IOBU 17

1

2

3

4

5

6

7

8

9

10

11

12

13

14

15

16

17

18

19

20

21

22

23

24

25

26

27

28

29

30

31

32

33

34

35

36

37

38

39

40

41

42

¹Laumagu eme daure, egu dina vada e ore; ara vada e heḡaeḡae, egu.

²Momokani, ḡonaḡona taudia ese e ḡeḡegu ahumu; matagu ese edia hahebadu karadia e itamu.

³Gwauhamata davana lau daigu ai na sibomu emu bavatoa; daika ese gwauhamata davana baine heni lau daigu ai?

⁴Badina be lalodia vada o koudia, basie lalo parara; una dainai oi ese ba laodia ahu, basie kwalimu.

⁵Turana e habadelaidiamu, edia kohu kahana iabina, taudia na natudia matadia do bae valahu-valahu.

⁶Ia ese taunimanima edia gwaurai-gwaurai herevana ai vada e halaogu; taunimartima ese vairagu ai e kanudi-kanudiraigumu.

⁷Matagu vada e valahu-valahu, lalo-hisihisi dainai; taugu regena iboudiai na laulau na heto.

⁸Kara maoromaoro taudia ese e itaiamu, bena e gari takumu; bona asi ena kerere tauna sibona lalona e haḡaraḡaraiamu, kara dika taudia latadiai.

⁹A kara maoromaoro tauna na ena dala ai e raka balahenimu. bona ima ḡoevaḡoeva tauna ena goada na e bada e laomu.

¹⁰A umui iboumui ai, a lou aoma; umui bogaragimui ai aonega tauna ta basina davaria.

¹¹Egu dina vada e lao bubuni, egu lalo-hadai vada e heḡiḡi rohoroho, bona lalogu ena ura danu.

¹²Idia ese hanuaboi na dina ai e halaoamu, bona dibura ai e tomu “Diari na kahikahi”.

¹³Bema mase gabuna baina tahua, egu ruma ai baina halaoa, eiava dibura ai egu geda baina lahaia,

¹⁴bema guri baina hereva henia, bainato “Oi na lau tamagu”, bona uloulo baina hamaoroa, bainato “Oi na lau sinagu” eiava “Lau taihugu”;

¹⁵bena egu helaro na edeseni ai? Egu helaro na daika ese baine itaia?

¹⁶Mase ikoukoudia lalodiai baine diho a? Ḡahu ai baia diho hebou a?