YOHAAN 18:27-32

²⁷Doḵ/e Buṯerus waṯki gwo mo, dhali ki jahanne/ adhoŋgola ŋwa gwoki e mo be.

²⁸Yan’ko’d uni ki susa Yesus mo ’peni gu’b ma Kayaap̱a mo e mo jin c̱a’b ma mudhiir nycine/ mo. A’di ta mon’thamo/ ka ’tum mo. Uni ki is buni ’koki cic̱ mo jin din ma mudhiir nycine/ mo, wakan ki uni minu ’taki ’koki nyo/ is mo, hili jin mina uni ’taki shwa to gi Mompe’kup̱anyolos mo be.

²⁹Wakan aBilaaṯus yaki’d ka pije/ e uni mo dhali o gwo mo ki: Gom ’kup̱ gwo gi wakatinta iyerkina um wathi/ yan is ki gway mo?

³⁰Uni ki thoḵ a’di gwo mo ki: Waḵki/ wathi/ yansan midi ’taki diki ta jin thus ki thus mo tani aman mina ’taki ’koki c̱i a’di wakan mo be.

³¹Bilaaṯus ki thoḵ uni gwo mo dhali o gwo mo ki: Susi um a’di ki is bum mo dhali dwalli a’di gwo mo ki gwo jin ta jiŋ ḵan bum mo. Dhali ’Kwani Yahuuda/ thoḵki a’di gwo mo ki: A’di diki ta mii jin dhala gwoŋḵan am bway mo mmokar jan ṯal ’deŋ kamu/ ’kup̱a ’cesh mo mmowu mo ba/.

³²A’di yansan miikunu mo mmothim gwo moyi jin okin ma Yesus mmoṯor gwo mo gom wu jin mina a’di wu mo be.