Juan 18:27-32

²⁷Pero e Pedro umuqui otronyajr y wacchetaca aru inteꞌ acꞌach.

²⁸Pues entonces ulocsiobꞌ e Jesús tama uyotot e Caifás y uqꞌuechiobꞌ ixin esto tama e palacio tiaꞌ turu e gobernador romano. Y cꞌanix asacojpa tama e hora era conda tuaꞌ acay e nojqꞌuin pascua. Y tamar era e winicobꞌ tuaꞌ e Israel machi ochoyobꞌ tama e palacio umen que machi cꞌani ubꞌoni ubꞌobꞌ taca e choquem gente, porque jay bꞌan ani uchiobꞌ machi ani actanobꞌ tuaꞌ oꞌchoyobꞌ awiobꞌ tama e nojqꞌuin pascua era.

²⁹Y tamar era e gobernador xeꞌ ucꞌabꞌa Pilato locꞌoy tama uyotot tuaꞌ oꞌjron taca e winicobꞌ era y che: —¿Y tucꞌa tamar war ituchꞌi e winic era? che e Pilato.

³⁰Y che e winicobꞌ: —Jay ma ani tucꞌa war uche, machi ani war catares toit tuaꞌ cawajqꞌuet, che e winicobꞌ era.

³¹Y che e Pilato: —Qꞌuechic chic nox tuaꞌ ibꞌijnu iwira tama iley tibꞌa, che e Pilato. Pero ojronobꞌ e winicobꞌ tuaꞌ e Israel otronyajr y chenobꞌ: —Pero non xeꞌ tuon e Israel ma erer cachamse inteꞌ winic motor que ayan lo que war uche xeꞌ más intuj. Jax taca net xeꞌ erer aware tuaꞌ achamesna inteꞌ cocha era, che e winicobꞌ era.

³²Pues bꞌan numuy tuaꞌ acꞌapa achempa bꞌan cocha arobꞌna umen e Jesús que jaxir tuaꞌ achamay achꞌubꞌna tama ut inteꞌ cruz.