Jon 18:27-32

²⁷Pita kordagl yegl dungwa, “Taman” dungo, ana konduwagle kumugl wi sungwa.

²⁸Tangina kinde kana Kaiapas yungumo mina kondo Yesus yendpi gawana yungumo mina eingwa. Ana Juda yagl kande wagle ende Pailat angaimo suna igle pikrikwa. Sraglpre ye pirkwa, no suna omun ana God ongumuglo mina no sideglmbi yenan kade ana Pasova kaiya mokna i nekramga, yeglpre ye ende angai suna igle pikrikwa.

²⁹Yegl eriko ana Pailat ende menda ye meglmara pindre ana krapogl tongwa, “Yagl i sragl orko ene ka-tange tenamnedi erime?”

³⁰Ye ka mongo yegl di ikine endingwa, “Yagl i mambuno kinde ta erekruma dagl no auro i ene motnara ta ukramga.”

³¹Ana Pailat di ye tongwa, “Enene ye indre lono ta panambere ka-tange teiyo.” Ana Juda wagle di ikine endingwa, “No lono mina yomba ta sigolo dikrukwa.”

³²Taragl plau dungwa i okuna kana Yesus sraglmere ere gorambere pre dipanduglmara i kaima paiyungwa.