JUAN 18:27-32

²⁷Huan Pedro sempayano amo mocahuili, huan nima tzajtzic se poyox.

²⁸Huan quema tlanestihualayaya quisque ichaj Caifás huan quihuicaque Jesús hasta campa hueyi tequicali campa mocahua Gobernador Pilato. Pero nopa israelitame catli quitelhuiyayaj Jesús amo calajque ichaj Pilato, pampa toisraelita tlanahuatilhua amo techcahuilía tiisraelitame ma ticalaquise ichaj se catli amo israelita. Huan sintla se calaquisquía, ayacmo elis tlapajpactli iixpa Toteco huan amo huelis quicuas nopa tlacualistli ipan Pascua Ilhuitl.

²⁹Huan Pilato quisqui calteno huan quintlatzintoquili: ―¿Tlaque ica anquitelhuíaj ni tlacatl?

³⁰Huan quinanquilijque: ―Sintla yaya amo elisquía se tlaixpanoquetl, amo timitzhualiquilijtosquíaj.

³¹Huan Pilato quinilhui: ―Xijhuicaca amoseltzitzi huan xijtlajtolsencahuaca quen quiijtohuaj amotlanahuatilhua catli anquitoquilíaj. Huan nopa tlayacanani tlen israelitame quinanquilijque: ―Amo tijpiyaj tequiticayotl para tijcuamapeloltise se masehuali, pero ta, quena.

³²Huajca ica ni camanali pejqui nesi melahuac catli Jesús quiijtojtoya quema quiijto para masehualme quitlejcoltisquíaj ipan cuamapeli para quimictisquíaj.