San Juan 18:27-32

²⁷Pedro gunné̱' xecha lasa: ―Quebe núnbe'a bénnea'. La' ná'queze gudxezre xjeaj.

²⁸Nadxa belexebéaje̱' Jesús lizre Caifás, na' guleché̱'e̱ Le̱' xu'u lizre benne' xu'u lu ne̱'e̱ xe̱zr la xu na' waláz chee̱ Roma. Ba dxezú lau dxaní'sise̱', na' benne' judío ca' quebe gulu'e̱ xu'u na' chee̱ quebe xelexegá'ane̱' sban, lawe' da che xelu'e̱ na', quebe gaca xelawe̱' xrche' chee̱ Laní Pascua.

²⁹Chee̱ le̱ na' bdxuaj Pilato bchálajle̱ne̱' benne' ca', na' guzre̱' le̱': ―¿Bizra da zria dxágule benne' nigá?

³⁰Belexeche̱be benne' ca': ―Chela ca naque̱' tu benne' we̱n da zrinnaj, quebe gudentu' le̱' lau'.

³¹Nadxa Pilato guzre̱' benne' ca': ―Le xeché̱'e̱, ne le guchi'a chee̱' cáte̱ze naca da nadxixruj bea chee̱le. Belexeche̱be benne' judío ca': ―Netu', benne' judío, quebe naca chee̱ntu' nu gútentu'.

³²Ca'an guca, guca li ca naca da ba gunná Jesús ca gatie̱'.