SAN JUAN 18:27-32

²⁷Huan Pedro oc sepa ahmo otemocuitiyaya, huan san ic inon chihton otzahtzic se pachilel.

²⁸Oncan otehuicaque in Jesús den ichan in Caifás hasta ipan in cali den tequihua, itoca Pilato. Yopeu tlatui ipan in tonali achto den pascuahiluitl. Huan in judeahtecos ahmo ocalajque ipan in palacio, tleca ahmo quincahuilihtoc macalaquican canin calaquihque in aquin ahmo judeahtecos tla quicuasque in tlacuali den pascuahiluitl.

²⁹Yeh in ica in Pilato oquis ic quinnonotzas, huan oquiniluic: ―¿Tlen ica nanquiteluiyahque inin tlacatl?

³⁰Yehhuanten oquinanquilihque: ―In tlahmo oquichiu in ahmo cuali, ahmo timitzmactilihtonihque.

³¹Oncan in Pilato oquiniluic: ―Xicuicacan namehhuanten, huan xiquixcomacacan quen ca ipan in namotlanahuatil. Huan in judeahtecos oquinanquilihque: ―Huan tehhuanten tijudeahtecos ahmo techcahuilihtoc ic ticmictisque niyan aquin.

³²Ijconon otzonquis in tlen Jesús omihto ica quenin mopiya micohuas ipan cruz.