27Mina dada Peter dudusa nisui reyo ma evade kokoro raka niyo.
28Mina dada uriyaku gorogoro Iesu Caiaphas di yavari gutuna Rome di gavana di ourefeidena yava torari afei boyadi. Idu yava ideri bi dui de reyadi, ini adina iniye moi kino rigedi baebu, ye makai bi Ferei ebu rena irakuna di iruku de irigedi.
29Ye Pilate etofaro nesi nikaiteyo, “Mina amiye bi beika vegu no reyo ma ina fafau tourage rededi?”
30Ma nikabai reyadi, “Mina amiye vegu no de regamo vonisi, bi yi vanari de aeyagadu.”
31Kamini niyo, “Ya kaya moisi yi ago gira dudu ini vegu no kota refa.” Ye niyadi, “Uni ago gira dudu bi amiye yokoi ga umuyeyagane.”
32(Mina bi Iesu di ago moi rama aeyo; ini ago niyo bi amiye oteimaro ina bi gokai muyego bi.)
John 18
John 18:27-32