Juan 18:27-32

²⁷—Co'chi cahuë paya, itaantarin Pitrori. Naporo' atari përarin, natanin.

²⁸Tashíramiachin nisahuaso', Caihuasë pëinën quëran quëparahuatona', Noma hua'an pëinënquë quëpapi. Cotioro'saso nipirinhuë' co inaquë ya'conpihuë'. “Nisha piyapi'sa' pëinënquë ya'conpatëhua', oshahuanarihua'. Ina quëran co nanitarihuahuë' Pascoa cosharo' capacaso',” topi.

²⁹Napoaton Pirato pipirahuaton, inapita nontërin. —¿Ma'ta' onporin iso quëmapi? itërin.

³⁰—Pa'pi co noyahuë'. Noya ninin naporini, co quëshiitënquënhuë', itopi.

³¹—Canpitari quëpaco'. Iráca quëran huarë' nipënënamaso' co natëhuachinhuë', ana'intoco', itërin. —Co quiyaso' nanitëraihuë'. Co nanan ya'huëtërincoihuë' piyapi'sa' tëpaca'huaiso', itopi.

³²I'hua Quisoso ninoton nani sha'huirin: “A'na tahuëri inápaquë achinpiarinaco,” tënin. Yosë nohuanton, onpotatonasona tëpacaiso' naniarin.