Yohana 18:27-32

²⁷Kahi Petili kabela kalonga, “Hebu!” Baho izogolo nalika.

²⁸Vyoiwele lufuku, Yesu nakaholigwa kulawa mng'handa ya Kayafa, wamigala kuli chilongozi mkulu wa isi ya Yudeya. Wakulu wa Wayahudi nahawenjile mng'handa ya mkulu wa isi ya Yudeya, kwa vila hawaganile kubena mzilo leka waweze kulya goya ndiya ya Pasaka.

²⁹Ahyo Pilato nakalawa kunze, nakawauza, “Munhu ayu kadita choni chihile mbaka mmigale kwa heni?”

³⁰Nawamwidichila, “Nahatwalimigala kwa hegwe, wone nayawe haditile chinhu chihile.”

³¹Pilato nakawalonjela, “Mumhole hemwe mkamtaguse kota malajizo ga hemwe.” Wayahudi nawedichila, “Hetwe hatukundigwe kutagusa munhu yoneche yakopoligwe!”

³²Aga nagalawila wenele ulonzi wa Yesu hoyalonjile yolajila vyoyobagama.