JUAN 18:27-32

²⁷Wbiire Pedr rëb Pedr ruṉbeyd Pedr me, ni lëëtaque hor co laa tib gall pcuedz.

²⁸Ziadyiinile liuw, zeeṉe laa zho brieenie Jesús lidz Caifás, zienie zho me zaatne nac xyulow Pilat, meṉ ne nac gobernador. Zeeṉe bdziṉ zho, ni tib zho bzëëbd leṉ yulow, sac racladzd zho quiits zho miṉe rnabey xley lay zho; parne grieelo yquiin zho guieḻwagw ne row zho lni Pascw co.

²⁹Nacne briee Pilat bnabdiidz Pilat lo zho, rëb Pilat: ―¿Pe nacne ziaadnie to meṉ qui nu? ¿Pe rquiaqui to me?

³⁰Pquiab zho, rëb zho: ―¡Por grëtaa guieḻntseeb ne noyuṉ me, gane ziaadnie no me! ¡Teḻne niac me meṉ ndzinli, niacxe lega guiaad-zo no me lo luu!

³¹Dzigo rëbchaa Pilat: ―Goḻsënie me, tose goḻguṉquizh me miṉe beeṉ me; zigne nac xley to. ―Racladz no guetgazh me ―rëb zho―. Ni naṉle luu gaṉle, no ne nac no meṉ Israel, grieelod ne nose gnabey guet tib miech.

³²Ga brieequia miṉe bnee Jesús, zeeṉe bzeet me ible zut miech me.