Jon 18:27-32

²⁷Pita ka fakawe ufu sabin le, “Ia biil.” Ke fanpil nenge to ka teng.

²⁸Namih foron famfamu ken fan Iudaia ri ka lame Iesu tinaiwa sing Kaiapas usuf Pailat nenge laulaumet tina gapman na Rom. Ka biingbiing mang, ke fan Iudaia ri ka ier isi ien na inen na Liuliu Kulef, pesu biil mang ri kau una palgan tara fel ke Pailat. Wara le nagogon kiri i tikale u le, gong ri kau na fel ken kaltu ae biil tina Iudaia.

²⁹Pesu Pailat ka suuh usuf foron famfamu ken fan Iudaia ma ka diik ri aragii, “Matngan sanih gam tiu kaltu igii ini le i tel fager u?”

³⁰Ri ka kiliis u aragii, “Male biil i tom tel sinang laulau ke biil i fasih kemen filange u usuf wo.”

³¹Pailat ka tarah, “Gam tom gamek telpes u ke gamek nagogon u namin nagogon kimi tom.” Ri ka kiliis u aragii, “Isau le nagogon kimi fan Rom, i ti kale kemem isi gong keme siimete tikas.”

³²Iesu i orek famu tah isi matngan minet kia. Ma tier igii ka tapiek una fasuut foron orek ae i use ta u.