Jon 18:27-32

²⁷Pita besebes ja, iy anya, “Bwe.” Eme ma nawin bwe kakaro eden.

²⁸Mandraben ma wahun, iri sirini Jises udu asiu ta Kayapas iu ili asiu ta kabin badu Rom. Iri tinan tiri Juwis bala bolo asiu nane doh bwe, tasah kora-on iri kandraka-an ta mada Kindrei, ma idah kameh iri winiyan baimon nyamon ta len ndrabun aloh Pasoba bwe. Eme iri are ndra manan areu.

²⁹Pailat eme manan hawe iri, ma iy ndremenya iri, “Aha anya kadeu iy ndramak dah kili ta mada sahou ta saba lakou handru?”

³⁰Eme iri marakon asumon sahou tan, “I buku iy ndramak ta amekes kandriyen ndra-in bwe, ahi winiyan bandrei iy bame hawem bwe.”

³¹Pailat eme asehek i tiri ja, “Mwasin, aha kandrei iy kewek hawe aha, ma aha katehei iy ki ta mada sahou ki-in hamon ta iri kandriyen taha amwenen.” Iri ame asumon sahou ta Pailat ja, “Badeh, ndrabun tinan labai, ta ahi winiyan badai iri lau amekes kandriyen ndra-in amak bwe.”

³²Bwena mene Jises asehek ta iri kandriyen iy kameh imek ta aliy, eme ma iri lakou marakon doh asahan ta amekes sahou tan kasahan handru.