27Na lêman malew Fiter, manan, “Ise deg.” Na én nan kakleet i anuk.
28Di too flafus, mdà ale di gumnè Kayafas na nebela Dyisas di bong gumnè Gubirnador Filat. Kabay là fusuk i dad Dyu du ken baling ale magagsik di kite Dwata na taman là gagin di kakaan i fista Duh Kaglius.
29Taman lamwà Filat smitong dale, na manan, “Tan salà to ani duenyu mebe kenen dini?”
30Na tmimel i dad Dyu, manla, “Ku landè salà i to ani làmi nebe dini di ge.”
31Na man Filat di dale, “Ku nun salaan, gamu sa mukum kenen fagu di urdinyu.” Kabay man i dad Dyu, “Là fakay di urdinyu ku gami dad Dyu mukum satu to di fati.”
32Na mkel i kdee ani du fye gdohò i gman Dyisas gablà di kibòla mati kenen.