Yohansi 18:27-32

²⁷Mere Petrus nrehera owa'an pa niwra: “Edonna!” Dewade plinu-plinnianamde hiwi lallu nkukule'ewa.

²⁸La'pa yawyawar ma'ta de, makden Yahudi rodia Yesus rwatiaga Kayafas genni pa rokria gubernur hairi Roma genni. Riy Yahudi nek de edonna rparan pia rler la gubernura genni de. Yanhi'pa hota rla' hande de rlernana maka rmakriarnia, yoma Yahudi agamni deullu-tatarni emkade. Yoma la'pa rlernan maka rmakriarnia dewade hota ta'en niana rla' pa ra'an la mei Paska.

²⁹La' hade pede Pilatus nlergot pa nla natiana re niwra: “Hota hya' hala maka miy ma mtio'ona riy dina de?”

³⁰Noma honona riarin tar pua riwra: “Hade edonna Nhal mana ami edonna mga' pua amodi E la pap gubernura.”

³¹Noma Pilatus nakot la niwra: “Mieh'a mia'ala, pa mietlia do'oni-halli, de mliernohora miy orgahami deulu-tatarmi.” Mere Yahudi re riwra: “Hota ami edonna modi plolli pa mukum penna rimormiori.”

³²Rakot emkade totpena hya' ed maka Yesus Nakot oleka la'a E matmiatni yala'ani hota naplola.