Yuhanna 18:27-32

²⁷Piyeer yeddi katin, de wakkati oon pay, ndontoori joggi.

²⁸Caggal ɗuum, ɓe itti Iisaa to Kayafas gilla fajiri kecco, ɓe njaari mo to laamordu goforneer oon. Yaaruɓe mo ɓeen naataay suudu nduun, sabo si ɓe naatiino fu, ɓe tuunan e ley diina, de ɓe mbaawaa nyaamude nyaamdu iidi Faltagol nduun.

²⁹Pilaatu, goforneer oon, yalti yehi to maɓɓe yaasin toon, wi'i ɓe: —Ɗume peldoton gorko o?

³⁰Ɓe njaabii mo: —Si o gollaayno ko boni, min ngaddataano mo to maaɗa.

³¹Ndeen Pilaatu wi'i ɓe: —Njaaree mo, caroɗon mo sariya mooɗon. Alhuudiyankooɓe ɓeen njaabii: —Laamu hokkaay min laawol warude fay gooto.

³²Nii haala ka Iisaa haalnoo dow maayde muuɗum kaan tabitiri.