Johanes 18:27-32

²⁷Anam a amu Petrus eḏua amegp̱a, “Iiṯa,” awa aum. Nug anam a amu matuk paha gayom.

²⁸Matuk gaye amu buṯuanab Jesus Kaiapas top̱anu aona, gabman oḵai top gop̱ig. Ag aon gop̱ig amge ag aḵa ag gabman oḵai laug oop̱a ii nop̱ig. Ag oolagp̱a, “Gabman oḵai imu nug Juda iiṯa, ihinig ḏop̱a ig nug lag oop̱a gota, ig oonigp̱a hip̱unin ele daagnig amu ig hip̱unin ele daatta amu ig Pasowa meṯid hobul ii lamata amunu ig lag oop̱a ii gomata,” anana, lag oop̱a ii gop̱ig.

²⁹Anam amunu ag dimiṯim daaegeg, Pilatus nug dimiṯim ag gumaṯa doa, amelagp̱a aum. “Danab imunu nai aṯemu?” awa aum.

³⁰A amu ag nug oḏep̱a aon ap̱ig. “Nug hip̱unin iiṯa dayeb amu ig omalta, nahipp̱a ii uḏilom,” aon ap̱ig.

³¹Aeg amu Pilatus nug ag amelagp̱a aum. “Ag aḵa Nug aon gona, ahilag ḏop̱a nuhig nai epeḏieg!” awa aum. Anam a amu Juda ag ap̱ig. “Rom ag ig danab laa qep̱ut mauhḵunu aib ap̱ig amunu ig danab laa qep̱ut mauhḵunu ii dooṯem. Diig amunu amu ig na Rom dilag kobolp̱a danab imu ad emaitakp̱a aihḵutnu oonig daaṯe.” aon ap̱ig.

³²Ag nai amu ap̱ig amu Jesus Nug kobol aḏip̱a mauhḵunu aum ele, nuhig nai amu meu oum.