Juan 18:27-32

²⁷Sa et insaot kayet Pedro. Osto'y siya chi ya ket nenkokook nan kawitan.

²⁸Wiiwiit nan nangibfalaan nan cheycha'y Judio ken Jesus is afong Caifas, sa cha't inyaton siya is afong nan khofernachor ay si Pilato. Eg-ay cha magtek sinomkhep isnan afongna, tay at siya chi nan khotok nan en-afikhancha ya nan ad-icha makikkanan isnan Piyasta ay Paskua.

²⁹Tay siya chi si et Pilato nan finmala ay nangwani ken chaicha, “Ngag nan mangichalomanyo ken tosa ay takho?”

³⁰“Ay ke mi aped iyali siya ken sik-a mo faken ngaag siya ay takho?” kinwanicha.

³¹Sa et kanan Pilato, “Ikaanyo siya ta kikhad kayo ay mangokom ken siya isnan lentegyo kannay.” “Maid lebfengmi ay mamatey ay menchosa isnan olay sino ay takho!” kinwanicha.

³²(Siya na nan inmat ta maangnen nan kinwanin Jesus maipoon isnan ikkana ay matey.)