Juan 18:27-32

²⁷Miglidung manda si Pedro, aw duon-dajun migtagauk to manuk.

²⁸Saju pad to masem, pigdaya si Jesus likat to bayoy ni Caifas pailing diya to bayoy to gubernadur no taga-Roma. To mgo Hibru wada sed duon su unu ko maligsoman sikandan ojow pa to balaod to tinuuhan dan, aw iyan hinongdan no kona sikandan ogpakakoon to pagkoonan to Pista to Pagyaboy.

²⁹Kaling migyuwas si Gubernadur Pilato aw usipa sikandan, “Nokoy man to riklamu now kuntra to seini no otow?”

³⁰Migtabak sikandan, “Ko kona pa no maaslag to sae din, kona noy ogdaehon dini ikow.”

³¹Kagi ni Pilato, “Sikiyu to muhukum kandin pinasikad to iyu no balaod.” “Eh, kona ogkahimu,” kagi to sikan mgo Hibru. “Su wada katongod noy to pagpahimatoy to otow.”

³²Nailing to sikan agun no matuman to diya pig-ikagi ni Jesus dow ogkaamonu to paghimatoy kandin.