Juan 18:27-32

²⁷Tsa lee Pey nzhab tedib welt, nlebeet Pey Jesús, ne oraaka lee ngite mrez.

²⁸Tsa mloo zha Jesús liz Caifás, ne ndano zha Jesús roo yuulow, ta ndob zha kuu nabee ne tak ndeyeniʼa yezlyu, kona mndaabt re zha Israel leen yuulow, tsa nambika zha ley lo zha, tsa tak wu zha rtsee chaan Paskw.

²⁹Tsa mroo Pilat, ne nzhab Pilat lo re zha: ―¿Cho kwent nkeki goo mbyi ree?

³⁰Tsa mkab re zha, ne nzhab zha: ―Os gagagt zha ree zha nakap, gayaadnot nee zha loʼa.

³¹Tsa nzhab Pilat lo re zha: ―Bteno goo zha, bnaab goo kwent lo zha taxal nzhab lo ley chaan goo. Tsa lee re zha mkab ne nzhab: ―Lee re nee zha Israel, napt nee yalnabee par kuth nee thib men.

³²Tata nzhab zha, tsa ngok kuu nzhab Jesús, leettsa mndaa Jesús kwent naa xomod gath Jesús.