JON 18:27-32

²⁷gatuna yake, “Aho,” ngang yakut. Yawan zetgaman taakga wamu ayakut.

²⁸Siwan tembana siknga wa aminu Jesu take Kaiafas teke i take gavmanu tupan tapae yotnane takuking. Takuke ina dua gavmanu tupan tapae yot katangu kopbing. Wa aminu anzing natapbing. Tupan tapata ninu Judia amikatnana dua siwan ninda itane yotnaatang kokengu pasapmin zipbuke ninu Pasova tupduk takwan gwende nanamu nananga dua siwik ngang natapbing.

²⁹Unzing natake kepman yuwawa Pailatda wa aminde kepman epuke anzing yanikut, “Ginda aminu aapae wamu dasing yanangge takapukaing,” ngang yanikut.

³⁰Yaniwan yake anzing iniking, “Aminu aapa waiaknga dua tasikut gamu ninda i gae dua takapnam,” ngang iniking.

³¹Iniwa ita yake anzing yanikut, “Gisatakan yawa kumnanga aknga dasingge nae takapukaing,” ngang yanikut. Yaniwan yake anzing iniking, “Ninda gavmandane mama wam sandeke aminu aapa dua tangutna kupik ngang natake gae takapukamang,” ngang iniking.

³²Iniwa tupa Jesuta wamu ina dasingga akupik kakngae yakut taknga buya unin aatnangge singgak.