Yoni 18:27-32

²⁷Máa síkan Pita enádá “ída ino,” siyain má ana kokore asen mino.

²⁸Kaiafasi ano Yisasin inaen eriyan me kípiyákan do kakhan ákurasí iyain má aruvin banta kéká ano véin do aviren Romú kayoi ánon kamanin amá oren mino. Mai namun ódíkan béin ma namuroí uantiyain Yutan kayo ano maifin ódikharé ékun Tiyarafenu auufen painí eono siren are usintantí mai ma Avo Uantan Omasí ma inain pinte yunan ída nan nae siren maifin ída óden mino.

²⁹Máan siren barufá baré íkan Pairoti ano eraven morun betin inaemí, “Nái anarasá ma vanta kó tian tiya rafono.”

³⁰Máa síkan béin evaránen tiamemí, “Béi ída aau vanta varé intí ída véin aviré éi vaonafá eré tifanunaren mino.”

³¹Máa síkan Pairoti ano vetin tiamemí, “Béin avire mo siretíi man bayafó puntarano.” Síkan Yutan kayo ano evaránen temí, “Teti mano ma vanta aruan purin nan airo ananí ukhein mi vá uno.

³²Máan ma sein manon Yisasi ma veyan purin nain avúava san ma fefá tikharé ein mi fura sen afoká en mino.