Jan Laabaalihamo 18:27-32

²⁷Pieli go den nia lanyogunu ku kootongu den mua.

²⁸Bi den ñani Jesu Kayifa kani ki gedini o Gufeneeli Pilata bu jiali kani. Li den tie ku ti haa panpangu. Bani bi ba ki den kua li bu jiali kani ke ban da ti joagini bi yula, ki baa ki je mi pendima jaanjiema.

²⁹Lane Pilata den ñani ki gedi bi kani ki yedi ba: Yi yedi ke o naa joa tieni be?

³⁰Bi den guani ki yedi o: O yaa bi tie nibiado ti kan bi cuo o ki cuani akani.

³¹Lanyaapo Pilata den yedi ba: Yinba yi ba n taa o, ki jia o ti buudi leni yi balimaama. Jufinba den guani ki yedi o: Tii pia usanu ki jia nilo buudi ki kpa o.

³²Li den tieni yeni ke Jesu n den maadi okuuma maama yaama ntieni ki dudi.