JUAN 18:27-32

²⁷Huan Pedro sampayanoc ax monexti, huan nima tzajtzic se cuapelech.

²⁸Huan quema tlanestihualayaya quisque ichaj Caifás huan quihuicaque Jesús hasta campa hueyi tequicali campa mocahua Gobernador Pilato. Pero nopa israelitame tlen quiteilhuiyayaj Jesús ax calajque ichaj Pilato. Pampa toisraelita tlanahuatil ax techcahuilía tiisraelitame ma ticalaquica ichaj se tlen ax israelita. Huan intla se calaquisquía, ayoc eli tlapajpactic iixpa Toteco huan ax huelis quicuas nopa tlacualistli ipan Pascua Ilhuitl.

²⁹Huan Pilato quisqui calteno huan quintlajtlani: ―¿Ica tlaque inquiteilhuíaj ni tlacatl?

³⁰Huan quinanquilijque: ―Intla yajaya ax elisquía se tlaixpanoquetl, ax timitzhualiquilijtosquíaj.

³¹Huan Pilato quinilhui: ―Xijhuicaca imojuanti huan xijtlajtolsencahuaca queja quiijtohuaj imotlanahuatilhua tlen inquitoquilíaj. Huan nopa tlayacanca israelitame quinanquilijque: ―Ax tijpiyaj tequihuejcayotl para tijcuamapeloltise se tlacatl, pero ta, quena.

³²Huajca ica ni tlajtoli elqui melahuac tlen Jesús quiijtojtoya quema quiijto para tlacame quitlejcoltisquíaj ipan cuamapeli huan quimictisquíaj.