Zone 18:27-32

²⁷Ba zama pule tugo se Pita, “Lokari,” gua; meke kabo mo sa kokorako pa totoso asa.

²⁸Meke pana munumunu vaqavaqasa si turaṉa vura nia rini se Zisu pa vetu te Kaeapasi, meke la pa vetu tanisa qavuna Roma. Ba sari na koimata tadi na tie Ziu si lopu nuquru la pa korapana sa vetu, sina hako masala dia, meke lopu kote boka hena ia rini sa Inevaṉa Pasova gua.

²⁹Ke vura la nanasi e Paelati si arini pa sada, “Na sa zutu nia gamu sa tie hie?” guni Sa.

³⁰Meke olaṉa si arini, “Lopu kaqu turaṉa hoboro mae nia gami koa goi si Asa be na tie toṉoto si Asa,” gua.

³¹Meke olaṉa la i Paelati si arini, “Ego vagia telemia si Asa, mamu pitua pa mia tinarae soti.” Ba olaṉa si arini, “Gami si lopu tava malumu koa gamu na tie Roma pude va mate tie,” gua.

³²Ta evaṉa sapu gua asa pude tava gorevura gua sapu koroto nia e Zisu koasa guguana sa Nana minate pa korosi.