Hwan 18:27-32

²⁷Ammi nelemad na ha, a yen na hapa ya nepagtareknay na manuk nga nebar ni Hesus.

²⁸A sangaw ta magkahkahawan a netugut da ha i Hesus ta bali ni Kaypas, te iange da ta Gubernadoren taga Roma petta ibar na mina ya pasi na. Ammi ta datang da ten a awena simarok na Hudyo kiden ta bali na en, petta aweda kan maalasigan ta dulay gafu ta awena negitta tekid, pettam kumanen a aweda kan sangaw mehangat nga makikkanan ta pamurab na simana da.

²⁹A gafu ta kumanen a imuhet na i Gubernador Pilato tekid, a pinohutan na tekid; “Anu mantu ya nangidaruman muy ta tolayin yan?” kunna tekid.

³⁰“A te dulay na tolay, a neange mi hud teko am awan ta liwat na,” kunda.

³¹“Ay on, a alapan muy la mantu, te ikamuy na hapa la ya mangpa-gang tentu ta kuman na ibar na lintig muy kiden,” kunna hapa na Gubernadoren tekid. Ammi ya tabbag da hapa a “Mappya ta ikamuy, te ihangat na kami na gubyernu nga mamapasi ta makaliwat,” kunda ha.

³²A uray na Namaratu hala ye-yen petta magdulot hapa ya inuhohug ni Hesus ta idi, te dana kinankanna na am had kukun na pangpapasi da sangaw tentu.