Juan 18:27-32

²⁷Ngem kasin insaot Pedro dowan et katan-o din kawwitan.

²⁸Makdeng pay din nabistigalan Jesus sin beey en Caifas, enggay pomatpat-a, et in-ey din papangolon di Judio sisya sin beey en Gobernador Pilato. Ngem sigaan da ay senggep, tan into et mo maibilang da ay naipakadodogis et maiparit ay makikan da sin fiesta ay makwani en Nalabas.

²⁹Siya di, binmala si Pilato et pinoot na en daida, “Sinoy darum yo sin ipogaw ay sana?”

³⁰“Mo baken managbasol na, adi mi koman iali en sik-a,” insongbat da.

³¹Asi et kanan Pilato, “Dakayo ngarud di makaammo. Olay dakayo ay mismo di mangokom en sisya ay maibasar sin linteg yo.” “Ngem dakami ay Judio et magay kalebbengan mi ay mangipapses ipogaw,” insongbat da.

³²Naamag na ta say matongpal din kanan Jesus maipanggep si iyat na ay matey.