Jon 18:27-32

²⁷Dap saqiaskerlka ma Pita qa tuvuusep ma’, “Maikka quasik tem ngua.” De qerlka vet luus aa de ama durlaikka qek nak.

²⁸Baiv aa de ra mit se ma Iesus nep ma Kaiapas aa Vetki sep luqia ama Romkena araa Vetki i ai de ra Kot se ama qaqet pem ki. De maikka nepbang de re rarles ip te kot se qa. Dav ama Judaqena, dai quasik mager ip tat dan sep luqia ama vetki vet luus aa i raquarli diip ta tes per ama Asmeski ama Slurlki. Taqurla be qurli ra darliik. Dav ama Amiqena navet ma Rom, dai qurli ra i vuk i re kot se ma Iesus.

²⁹Taqurla de ma Pailat i ama Barlka navet ma Rom, ka mit sedarliik. Be qa snanpet ne ama Judaqena ma’, “Ngu lu a nge ama viini nanaa be ngene kot se qa?”

³⁰De ra virliit ba qa ma’, “Arik kuasik ke rekmet ne a nge ama viini, dai quasik mager iv uut den se qa sagel ngi.”

³¹De ma Pailat ka ruqun na ra ma’, “Katikka ngen ama Judaqena, dai qatikka mager ip ngen, ngen der a qa ip ngene kot se qa kur a ngen a Lo.” Dav ama Judaqena ra virliit ma’, “Dap ngen navet ma Rom, dai a ngen a Lo ngere kel uut ip kuasik mager iv uure veleng a qek.”

³²I qatikka ra meraqen ne liina raqurla ip ma Iesus aa lengi i qa sil sever aa aapngipki, dai liina nge ren ne ama revan.