Juan 18:27-32

²⁷Pér nzhé stub welt: —Nalet naya. Nu gorzee lee gaay mrazhe.

²⁸Mloo xaa Jesús garli Caifás, nu mbe xaa xaa naz palas cheen Pilat, xaa nabeyy Judea. Nu merla yani yizhyo. Lee re xaa sawlazh nu namzeebt leen palas, nel snee nzho mod lake nzhul xaa lo Dios nu nzho mod gaw xchee xaa cheen Paskwa, gorna nselazh re nu xomod mloo Dios re xey nu Egipto.

²⁹Kwaanzee Pilat mroo ngunii lo re xaa, nzhé: —¿Cho re kwaan ngaazh gu tich xaabyi ne?

³⁰Lee re xaa non lo re xaa sawlazh nu mkeb, nzhé: —Chol nanakt xaa tub xaa nakap, nangiidnot nu xaa lo lu.

³¹Pilat nzhé: —Be gu xaa, nu bnaab gu kwent lo xaa, mod nak ley cheen gu. Lee re xaa mkeb nzhé: —Per lee re nu, xaa Israel, nanzeyalt gu gut nu tub xaa.

³²Snee mbarlo kwaan nzhé Jesús, leezha mzaa xaa kwent xomod yet xaa.