ג'ון 18:27-32

²⁷ויסף פטרוס לכחש ופתאם קרא התרנגול׃

²⁸ויוליכו את ישוע מבית קיפא אל בית המשפט ויהי בבקר השכם והמה לא נכנסו אל בית המשפט למען אשר לא יטמאו כי אם יאכלו את הפסח׃

²⁹ויצא פילטוס אליהם ויאמר על מה תאשימו את האיש הזה׃

³⁰ויענו ויאמרו אליו לולא היה זה עשה רע כי עתה לא הסגרנהו אליך׃

³¹ויאמר אליהם פילטוס קחהו אתם עמכם ועשו משפטו כתורתכם ויאמרו אליו היהודים אין לנו רשיון להמית איש׃

³²למלאת דבר ישוע אשר דבר לרמז אי זה מות עתיד הוא למות׃