San Juan 18:27-32

²⁷Chiꞌchi rahbi laꞌgaꞌh Pehdru: ―¡Ayi nee dxiꞌh naꞌh! Ya hohrachi gahca bacaꞌhyahnn dxiidxinguhla.

²⁸Pwihsi gwanee raꞌ ba laꞌh Jesuhs yihdzi Caifahs nez naa xpalaciu gobernador, ya hohra chi laꞌh zeꞌgarah gueꞌla, ya ayi guyuuꞌtii bwiinn Israel raꞌ chi laꞌn palahsiu tin ayi ñuuꞌ xtuhlda raꞌ ba xcweenta ziga ruluuꞌyi xlehyi raꞌ ba loh lañih, sinolaꞌn ayi ñahca ñahw raꞌ ba xchih paascu.

²⁹Pwihsi niꞌchin biriaꞌh Pilahtu guñiꞌ ba loh raꞌ ba, rahbi ba: ―¿Xi guelchiah rbahchi tu xcweenta bwiinn riiꞌ?

³⁰Chiꞌchi rahbi raꞌ ba: ―Sidela laꞌh ba ayi ñahca ba tuhbi bwiinn duhlda ayi chyu ñieꞌnee ba loh luꞌh.

³¹Chiꞌchi rahbi Pilahtu loh raꞌ ba: ―Gulchenee ba laꞌhgahca tu gulguiꞌhnn guelguxchisi xcweenta ba ziga naa xlehyi tu. Ya chiꞌchi rahbi raꞌ bwiinn Israel raꞌ chi: ―Per laꞌhnu ziga naa nu bwiinn Israel ayi rusaaꞌn xlehyi tu gachidxiinn nu nin tuhbi bwiinn.

³²Squiiꞌ guzohba dxyiꞌdxyi nin guñiꞌ Jesuhs ziga gachi Ñiꞌh.