Yowane 18:27-32

²⁷Na Petelo ye uhalaꞌuyo, na mahanana ne unai meta pwaole hakiyana ye dou.

²⁸Na kabo Dius tauwoyaidi wa Yesu maiyadi Kayapasi yona numa se pesagabaei na se lau Loma yodi gabana yona kabaloina numana lakilakina unai. Mala ye tom na malatomtom gagilina unai, na Dius tauwoyaidi nige se mwalae Loma yodi gabana yona numa wa unai, matawuwuna Dius yodi laugagayo meta ena se mwalae numa ne unai kabo ye hebikidi Yaubada matanawai. Na nige se mwalae, matawuwuna ede se henuwa bena taukiuli kaina se kai.

²⁹Ede Pilato ye pesa ye laoma kalidiwai na ye henamaiyedi ye wane, “Yababa saha unai teina tamowai ta kwa hegilu?”

³⁰Na se wane, “Ena taba iya nige laugagayo hesau ye utusi, taba nige ka woyaiyama kalimwai.”

³¹Pilato ye hededelau udiyedi ye wane, “Kwa hai na kabo yomi laugagayo ne unai kwa bom kwa hekasa.” Dius tauwoyaidi wa se hededelau unai se wane, “Komiu Loma tamowaidi yomi laugagayo kwa tole meta kai nige gonowana tamowai hesau ka heboita.”

³²Teina ye tubu ta meta Yesu yona boita kana kao ye hededehemasalahayako wa ye laoma ye hemamohoiyei.