Yone 18:27-32

²⁷Pitayo wa lokoa mena wa okaka eina eina ali ogada ka̱ oa kaka.

²⁸Yu yename Kayapasine yapu tewitikoa pote kini ta talo toa meane ago Pailasene yapu Yesu-pala aua pokoi. Nipa likonu witia pokoi. Nitoapa edelo ago patukane wa ibini akene toge nee noadete mekete tekete mone Lomane tobou agono yapu poamadete wakoi. Nipa kini kekanele tekete toge nee noamokaya tokale mone yatene agono yapu poamadete wakoi.

²⁹Nitikolipa Pailase eni Yu yene kakoita akolono pokome okome edeya namike i ago koiso akoa iki-pe-kale ekete

³⁰i agopa poane ago toamoo tokapa nipa ne kakota aua noamoo toka-koli

³¹Pailaseyo okome kini totono piko toa kini pitia yakoatino, aua poe-kale ekete toto Yu yename ali pade oyake pitia yateketeka wia tukamelepa toamoko wa okoi.

³²Nimo ikilepa Yesuyo one tukene toatekoule i wa oa pika taatekamotoa tokoi.