27Peter ra irrtywerremel ilelhek, “Arrangkw! Ayengarl arlarl!” Tywek-tywek irrwey arlkek-anem.
28Ingwepenh ingkeny tyerrelheyangel, ahelengkwel-rnem Jesus renh akngek Atyetyart Pilate-warl. Atyetyart ilkwa Rome-areny anenh Judea-areny-rnem-kenh. Jew-rnem-kenh atyetyart ingwer-rnem warl akethel-antey mpwelhek, aylpenhey-angenh artwa ingwer-rnem-kety, rernem aker Anperarl Alhek “Passover” tyenkerr alhewer arlkwetyek, angka arrwekelenyel ayntenh-angkwarr.
29Atyetyart Pilate ra aketh-warl tyerrelhek, ra renh-rnem ayernek, “Ilekek arrantherr artwa nhenhan atnwenhey-alhek?”
30Rernem renh tyernek, “Artwa yanh apmwarl. Alakenh-anyem anwantherr renh atnwenhey-alhek ngkweng-warl.”
31Pilate angkek ikwer-rnem, “Ayeng arlarl! Court arrekantherrenh-angkwarrant arrantherr tyatemiletyek renh.” Rernem ikwer-warl angkek, “Nthakenh anwernantherr renh tyatyemiley-angenh atwey-angenh, arrangkw. Rome-areny-rnem arrantherr arrngert angkek, nthakenh anwernantherr artwa apmwa renh tyatyemiley-angenh ipmek atwey-angenh. Arrantherrant renh tyatyemiletyek atwetyek!”
32Alakenh-anyem angka innganem irrek. Jesus ra angka arrwekel-antey ilelhek, rernem renh arwerl iylpeyl-atherr-warl atanthey-alenty.
John 18
John 18:27-32