Yon 18:27-32

²⁷Vayuwein Pita ikayan, ilana, “Nag.” Mo igel kolkolek.

²⁸Iyateles Yeisuw wamatan Kayapas ee... walalayis. Ikous, mo inawes gabman avakaein wanbunatum bunavakaein. O peinan min-Yudiy ikatkakils sitapwa̱loul waseg, yam towen beikams Kaltuwon bulukwan la̱miy, nag kadilok beisiws gabman Lom wanbunatum wanuwan.

²⁹Mapuna Paylat isap in watoulan, idibakes, ilana, “Aveiyag wawun bukuyateles taw towen?”

³⁰Ilansa, “Kukin nag takalbaleb towen, nag bakamey waseg ya̱koum.”

³¹Paylat ilana, “Mikaleiwag nises. Kunawes taw towen, kukwaleiwags waseg.” Iweis min-Yudiy, ilansa, “Nag ivag makaleiwag va̱gan baka̱weiy gamag.”

³²Min-Yudiy asilivan towen waseg mo ikamat livan towen Yeisuw nilivnek, peinan ilivan, “Beiweigs waklos.”