Jon 18:27-32

²⁷Kaeŋ ijoro Piitonoŋ mombo qakoono kambaŋ iikanondeeŋ kurunoŋ kanaiŋ qaro moro. Kiaŋ.

²⁸Gomaŋ ano umugawodeeŋ Jiisas Kaiafaswaa mirinoŋga wama kamaaŋ Room gawanawaa jiŋkaroŋ mirinoŋ keŋgi. Juuda yoŋonoŋ uugia tilooŋ kokojinjiŋ koloowombotiwaajoŋ majakaka moma kokaeŋ jegi, “Kiaŋkomu kendombaa lama newombaajoŋ amamaa-wombo.” Kaeŋ jeŋ moma bimooŋ gawanawaa jiŋkaroŋ miri uutanoŋ mende ugi.

²⁹Kawaajoŋ gawana Pailotnoŋ seleeŋgeŋ kamaaŋ iŋiima kokaeŋ qisiŋ oŋono, “Eja koi kanoŋ mono naa qinjitaga ano qaa jeŋ muŋ wama kaju?”

³⁰Qisiŋ oŋono meleeŋgi, “Eja iikanoŋ kikekakasililiŋ me bologa meme eja moŋ mende koloonagati eeŋ, nononoŋ mono eeŋ toontooŋ ii wama goonoŋ mende kawonaga.”

³¹Kaeŋ meleeŋgi Pailotnoŋ iŋijoro, “Oŋo mono oŋoaŋgio qaa jakeyanoŋ ama muŋ Kana qaagiaa so gosiŋ qaaya jeŋ tegowu.” Kaeŋ iŋijoro moma ijogi, “Nononoŋ eja moŋ komuwaatiwaa qaaya jeŋ tegowombaajoŋ soŋgo ero amamaajoŋ.”

³²Juuda yoŋonoŋ kaeŋ ijogi Jiisas aŋo koomu nomaaŋa komuwaatiwaa qaaya ii iŋisaama jeroti, iikaaŋa kanoŋ hoŋawo kolooro.