Uluka 17

1

2

3

4

5

6

7

8

9

10

11

12

13

14

15

16

17

18

19

20

21

22

23

24

¹Yeso magu nanu tarsa umem, ya cukono animetire timumu tiwuzan duru tipiko, senke ushi sa udi eh anice ni uye.

²Uteki in ka a wuna nipa ni iriri, a soki we a nyimo a niwun, kati ma wu a hana wa rizi.

³Hira nice ni weme, inka uhenu uwe me ma chama, gbarka me, inka ma gamirka, kati iriba iweme.

⁴Inka ma chara we iriba kanu sunare, ma kuro kanu sunare, unu guna, ''Maceki'' ya cukumo iriri, kara iriba.

⁵Anu tarsa wa gu imme, ''Kinki duru nikara ni tarsa uwe me,''

⁶Unaa kura magu, ''Inka izinni inlo iriba gu biho bi titi u mastad, idi gu unnutiti, ''Ta rufa,'' a nuka a nyimo ani gwin,'' udi wu imumsa wa buka.

⁷Senke aveni a nyimo a shi me, ma zinnu rere in katuma uuu nani itom, madi buki me, inka ka aye usuro anijaa, aye uri, imun are?

⁸Ma nyari me u buka urere me, siram ire imumare tira nitira a tiruma tiwe me, uhem in mari are me. Hu uri inna dumo

⁹Ma gunme u guna urere me tononzo barki ma wuzi imumsa a dungurkame, ma wu?

¹⁰Shi me cengi, inka ya wuza vat imum udungurka me, idigu, ''Taa bari ba,'' ti wunn imumsa a buka duru.

¹¹A biki uganiya a sa maaribe Urshalima, ma ha ubinani usamariya nan uGalilee.

¹²Sa maribe a nyimo anigiro, monno ma gurna nan are anu ukirau a kuturu. Wa tonno piit.

¹³Wa yeze a mgmirang wa gu, ''Kunna ngogoni uru, Yeso.''

¹⁴Sa ma iri we ma gu in we, hana ni ika bezi unu inusa tizeta sere.

¹⁵Unu inde a nyimo a we me sa ma huma, ma gamirka innu gmirang ni dandang innu honzo Asere.

¹⁶Maa tunguno a tibuna ti Yeso, inna puru arom, uSamariyawa mani.

¹⁷Yeso ma gu, ''In gusa ani kirau wani wa huma? anu uuro wa ra?

¹⁸Daki akan uyesamakuri wa nonzo Asere ba Senki ugenu ugeme?

¹⁹Ma gu imme, Hira u dusa! Kadura kawu me ya wuna wa hum.''

²⁰Sa anu ubazi urusa wa iki, rono u aye Asere Yeso ma kabirka we magu,'' A kura Asere ada aye barki ugamara a nu ba.

²¹Nani wadi gu, ira, iyenne! nani, ira a birko, Akura Asere a raa anyimo a shime.

²²Ma gu inna nu atarsa umeme, tiye ti eze sa idi inki iriba u ira u vanna sere, idi kaa ira me ba.

²³Wadi gu inshi, ira, a birko, ira, a banna, kati isuri a matara nani itar si we ba;

²⁴Gu u wuna a hira mel-mel a hira a zesere uhana are me, a nine ani vana Asere madi zo rono uwui umeme.

²⁵Senke utuba me madi zitti atinaa sasas ani wadi nyari me.

²⁶U ganiya ugeme, gu a tiye ti Nuhu anime ani atiye ti vana unubu.

²⁷Waari, iva sizi, wa wuzi anya, a nyizi we anya senke rono sa Nuhu ma ribo a nyimo u zirgi, urigawa ma eh mahuu wevat.

²⁸A nime ani ya kem ani atiyet Lot, wa zin tire, ukpija nan nu ziga, tibira nan asoh.

²⁹Senke rono sa Lot ma suri a nyimo u Sodom, a rubi ure ura a zesere wa huu we vat.

³⁰A ne ani idi zi rono u aye uvana unu.

³¹A nyimo rono me, katli iceki unu sa ma raa azesure a kura matuu uzika tirannga a kura ba, kati a ceki unu uge sa mara a masa a makuriba.

³²Ringin une u Lot.

³³Unu uge sa ma zinnu nyara wai imeme madi diri ini senke unu uge sa madira ivai imeme madi kem ini.

³⁴Ma buka shi, aniye nigeme adikem ana ware warari ukomi, inde aziki unu inde a ceki unu inde.

³⁵A di kem ane ware iti nanzu, a ziki unu inde a seki unu inde.

³⁶Anu war a uruu, adi ziki unu inde a ceki unu inde.

³⁷Wa iki me, abba una kura? ma gu in we, a hira sa ikizi irani magbuluk cangi wadi ornon.