Job 7

1

2

3

4

5

6

7

8

9

10

11

12

13

14

15

16

17

18

19

20

21

22

23

24

25

26

27

28

29

30

31

32

33

34

35

36

37

38

39

40

41

42

¹«Cay pachacho runaga rätullami cawan. Arupacoj runa juc junaj arupacushannöllami goyan.

²Rätulla goyan alläpa shanaptin uyway runa llantuta munajnöllami, arupacoj pägunta shuyarajnöllami.

³Nogaga quillan-quillan yangallami cawashcä. Waray-waray ñacashcä.

⁴Puñuptëpis pachaga manami waraytapis atipanchu. Ticrapacur-ticrapacur uticasha caycaptilläna pachapis yur'gämun. Yarpachacö: ‹¿imayraj jatarishaj?› nir.

⁵Cuerpöcunacho curu juntashami caycan, gueri chucrushantin. Guerëpitapis pogrullami aywaycan.

⁶Caway-bïdäga päsarin tilar awajcuna lansadërata jitashannöllami. Waquenga yarpashancunata manaraj tarirmi aywacunpis.

⁷«Yarpaycuy ari Tayta Dios, bïdäga jämay cachaynöllami. Mananami imaypis cushishaga goyashänachu.

⁸Mananami pipis ricamanganachu. Noga cajman ricäramuptiquega jinan örami wañucäcushaj.

⁹Imanömi pucutay jogaricar illgacäcun, chaynömi caycan wañur pampacöga. Sepultürapitaga manami imaypis jatarimonganachu.

¹⁰Wasinmanpis mananami imaypis cutinnachu. Famillyancunawanpis manami tincunnachu.

¹¹«Chaymi upällallaga mana cacömanchu. Nanaywan, rabyawan caycashpäga llapan llaquicuycashätami rimashaj.

¹²¿Lamarcho caycaj manchacuypaj waräcuychu cä imay örapis chayno ricaycämänayquipäga?

¹³‹Puñorga jamayta tarishämi. Puñuycorga llaquicuypitapis jamacushämi› nir yarpä.

¹⁴Ichanga suyñuynëcho fiyupa mancharachimanqui. ¡Fiyucunatami suyñupäcachimanqui!

¹⁵Llapiramaptiqui allimi canman. Cawanäpa ruquenga juclla wañucurëman.

¹⁶Manami awantänachu. ¿Imapänataj cawaycäshäpis? Ama rimapämaypischu. Caway-bïdaga jämay cachaynöllami.

¹⁷«¿Imataj runa chay-jinanpa ricapänayquipäga? ¿Imanirtaj runacunapäga yarpachacunqui?

¹⁸¿Imanirtaj runataga waran-waran ricapanqui? ¿Imanirtaj cada rätu mayapaycämanquega?

¹⁹¿Imanirtaj mana cachaypa ricapaycämanqui? Togayllätapis mana ultarcachimanquichu.

²⁰Juchata rurashpäga ¿ima mana allitataj ruraycä gam Tayta Dios runacunata cuydajpäga? ¿Imanirtaj lëchayquiwan apuntaraycämanqui? Manami ‹cayta wacta rurapämay› nëchu.

²¹¿Manachu juchäta perdunamanquiman? ¿Manachu mana allita rurashäta perdunamanquiman? Manapis aycällatanami wañucushaj. Ashimaptiquipis manami cashänachu.»