Job 23

1

2

3

4

5

6

7

8

9

10

11

12

13

14

15

16

17

18

19

20

21

22

23

24

25

26

27

28

29

30

31

32

33

34

35

36

37

38

39

40

41

42

¹Wal Job bin tok,

²“Tudei na ai garra lafta grambul langa God soribalawei, dumaji imbin dum brabli krulbala ting langa mi, en imbin meigim mi abum detmatj pein.

³If aibin sabi weya ai gin faindim God wal ai garra lafta go deya,

⁴en ai garra meigim main wed redibala en dalim im blanga ol main stori.

⁵En ai garra faindat wanim im garra dalim mi.

⁶Yumob reken im garra yusum ol im strongwan pawa langa mi? Najing! Im garra jis irrim wanim ai garra dalim im,

⁷dumaji im sabi mi gudbala men, en im garra tok langa mi, ‘Ai garra larramgo yu fri’.

⁸Ai kaan faindim God eniweya. Im nomo jidan sanraiswei, o sangodanwei,

⁹o langa nowathwei o langa sauthwei. God im oldei dumbat wek, bat ai kaan faindim im.

¹⁰Bat im sabi wanim mi oldei dumbat, en wen im garra testim mi ai garra jidan brabli klinbala insaid, wulijim det gol.

¹¹“Ai nomo bin tok ai kaan bulurrum eni lowa blanga im. Aibin oldei irrim en teiknodis langa ebri wed wen imbin oldei titjimbat langa mi.

¹³Dumaji oni im na det wanbala God, en hu garra dalim im wanim im garra dum? God gin dum enijing im wandim dum,

¹⁴en im gin dum wanim im rili wandim dum langa mi.

¹⁵Enitaim ai jinggabat langa det boswan God, im na oldei meigim mi bradin en sheiksheikbat nomo lilbit.

¹⁷God kipgon gaburrumapbat mi garram det dakbala, bat ai kaan jidan kwaitbala.”