Hanidabaa Odiya Koiro Maxaafaa 24

1

2

3

4

5

6

7

8

9

10

11

12

13

14

15

16

17

18

19

20

21

22

23

24

25

26

27

28

29

¹Aaroona zaretu citati hagaappe kaallidi xaafettidaageeta. Aaroona naati Nadaaba, Abiiha, El77aazaranne Itaamaara.

²SHin Nadaabinne Abiihu na7a yelennan bantta aawaappe kase haiqqidosona. Hegaa gishshau, El77aazarinne Itaamaari qeese gididosona.

³Daawiti Aaroona zareta eta oosuwaadan oosuwaadan citan shaakkiis. El77aazara yaraappe Xaadooqinne Itaamaara yaraappe Abimeleki Daawita maaddidosona.

⁴El77aazara yarati tammanne usuppun citan shaahettin, Itaamaara yarati qassi hosppun citan shaahettidosona. El77aazara yaratu halaqati Itaamaara yaratu halaqatuppe dari beettido gishshau, hegaadan haniis.

⁵El77aazara yaratu giddooninne Itaamaara yaratu giddon Beeta Maqidasiyau halaqatinne Xoossaa oosuwau halaqati de7iyo gishshau, hageetinne hinkkootinne oosuwaa saaman shaakkidosona.

⁶El77aazara yaratinne Itaamaara yarati bantta kayan kayan saamaa kessidosona. Kessin Leewa zare gidiya Nataani7eela na7ai xaafee SHamaa7ee eta mazggafiis. Kawoinne a halaqati, qeesiyaa Xaadooqinne Abiyaataara na7ai Abimeleki, qeesetu yaratu halaqatinne Leewatu yaratu halaqati ubbati ha yohuwau markka.

⁷Ha asati saamaa kessin, koiro saamai Yihoyaariba gakkiis. Naa77anttoi Yadaaya gakkiis.

⁸Heezzanttoi Hariima gakkiis. Oiddanttoi Sa7oorima gakkiis.

⁹Ichchashanttoi Malkkiyaa gakkiis. Usuppunttoi Miyaamiina gakkiis.

¹⁰Laappunttoi Haqqooxa gakkiis. Hosppunttoi Abiiya gakkiis.

¹¹Uddufunttoi Yaasa gakkiis. Tammanttoi SHakaaniyaa gakkiis.

¹²Tammanne isiininttoi Eliyaashiba gakkiis. Tammanne naa77anttoi Yaaqiima gakkiis.

¹³Tammanne heezzanttoi Huppa gakkiis. Tammanne oiddanttoi Yesheka7aaba gakkiis.

¹⁴Tammanne ichchashanttoi Bilgga gakkiis. Tammanne usuppunttoi Imeera gakkiis.

¹⁵Tammanne laappunttoi Heziira gakkiis. Tammanne hosppunttoi Happixeexa gakkiis.

¹⁶Tammanne uddufunttoi Pataahiyaa gakkiis. Laatamanttoi Yihezqqeela gakkiis.

¹⁷Laatamanne isiininttoi Yaakiina gakkiis. Laatamanne naa77anttoi Gamuula gakkiis.

¹⁸Laatamanne heezzanttoi Dalaaya gakkiis. Laatamanne oiddanttoi Ma7aaziyaa gakkiis.

¹⁹GODAI Israa7eela Xoossai eta maizza aawaa Aaroona baggaara azazidoogaadan, eti GODAA Beeta Maqidasiyaa gelidi, kayan kayan oottanau xaafettidosona.

²⁰Leewa zaretu halaqati harati hagaappe kaallidi xaafettidaageeta. Yehidaayi SHabu7eela baggaara Amiraama zare.

²¹Yishee Rahaabiyaa zare.

²²Yahaati SHalomiita baggaara Yixihaara zare.

²³Yiriiyi, Amaaree, Yahaazi7eelinne Yiqami7aami Kebroona zare; eti bantta yeletaa maaran xaafettidosona.

²⁴SHamiiri Mikiyaasa baggaara Uzzi7eela zare.

²⁵Zakkaariyaasi Mikiyaasa ishaa Yishiyaa baggaara Uzzi7eela zare.

²⁶Maahili, Mushinne Yaa7izee Maraara zareta.

²⁷Yaa7iziyaa naati heezzati SHohaama, Zakkuuranne Iibira.

²⁸Maahila naati naa77ati El77aazaranne Qiisha. El77aazarayyo attuma na7i baawa.

²⁹Qiishayyo Yiraahima7eela giyo issi attuma na7ai de7ees.

³⁰Mushayyo Maahila, Edeeranne Yiremoota geetettiya heezzu attuma naati de7oosona. Hageeti Leewa zaretu halaqata.

³¹Kase eta dabboti, Aaroona zare qeeseti oottidoogaadan, Leewa zaretu halaqatinne kaalotiya ishanttuppe issoi saamaa yeggees. Saamai kiyiyo wode Kawoi Daawiti, Xaadooqi, Abimeleki, qeesetu halaqatinne Leewatu halaqati markka.