Text copied!
CopyCompare
Is Lalag te Megbevayà - 1 Cronica

1 Cronica 24

Help us?
Click on verse(s) to share them!
1Iyan heini menge grupu te menge kevuwazan ni Aaron: Is menge anak ni Aaron he menge maama, ne iyan si Nadab, Abihu, Eleazar, wey si Itamar.
2Piru iyan nehuna he minatey si Nadab wey si Abihu kenà is amey zan, ne wazè dan en med-anak; umbe iyan dà si Eleazar wey si Itamar nekepenilbi pinaaǥi te kegkememumuhat.
3Pinaaǥi te tavang ni Zadok he kevuwazan ni Eleazar, wey ni Ahimelec he kevuwazan ni Itamar, ne migrupu ni Hadì David is menge kevuwazan ni Aaron sumalà te menge ketengdanan dan.
4Is menge kevuwazan ni Eleazar mibahin te 16 he grupu, ne is kevuwazan ni Itamar mibahin daan te walu he grupu, su mezakel is menge pengulu te pemilya te menge kevuwazan ni Eleazar.
5Is langun he menge vuluhaten ne mibahin dutun te menge grupu ne midripa zan su para wazà mevintahai, su zuen menge upisyal zutun te valey te Nengazen he ebpenilbi te Megbevayà he ebpuun te menge kevuwazan ni Eleazar wey te menge kevuwazan ni Itamar.
6Si Shemaya he anak ni Netanel he Levihanen ne iyan sikritaryu. Inlista zin is menge ngazan te menge memumuhat dutun te etuvangan te hadì wey te menge upisyal he si Zadok he memumuhat, si Ahimelec he anak ni Abiatar, wey te menge pengulu te menge pemilya te menge memumuhat wey menge Levihanen. Mibpulipuli he edripa is menge kevuwazan ni Eleazer wey ni Itamar.
7Is nehuna he neripahan ne iyan si Jehoyarib, is ikezuwa ne si Jedaya,
8is iketelu ne si Harim, is ikeepat ne si Seorim,
9is ikelima ne si Malkia, is ikeenem ne si Miamin,
10is ikepitu ne si Hakoz, is ikewalu ne si Abia,
11is ikesiyam ne si Jeshua, is ikesepulù ne si Shecania,
12is ike-11 ne si Eliashib, is ike-12 ne si Jakim,
13is ike-13 ne si Hupa, is ike-14 ne si Jeshebeab
14is ike-15 ne si Bilga, is ike-16 ne si Imer,
15is ike-17 ne si Hezir, is ike-18 ne si Hapizez,
16is ike-19 ne si Petahia, is ike-20 ne si Jehezkel,
17is ike-21 ne si Jakin, is ike-22 ne si Gamul,
18is ike-23 ne si Delaya, ne is ike-24 ne si Maazia.

19Iyan heini sikandan mibaal te menge ketengdanan dan dutun te valey te Nengazen sumalà te menge sulunuzen he ebpuun te Nengazen he Megbevayà te Israel he imbeǥey kandan te kepuun dan he si Aaron.
20Iyan heini menge pengulu te zuma he pemilya te menge kevuwazan ni Levi: Is ebpuun te menge kevuwazan ni Amram: si Shebuel. Is ebpuun te menge kevuwazan ni Shebuel: si Jedea.
21Is ebpuun te menge kevuwazan ni Rehabia: si Ishia, is lavew he pengulu te pemilya zan.
22Is ebpuun te menge kevuwazan ni Izhar: si Shelomot. Is ebpuun te menge kevuwazan ni Shelomot: si Jahat.
23Is ebpuun te menge kevuwazan ni Hebron: si Jeria is lavew he pengulu te pemilya zan, si Amaria is ikezuwa, si Jahaziel is eketelu, ne si Jekameam is ikeepat.
24Is ebpuun te menge kevuwazan ni Uziel: si Micas. Is ebpuun te menge kevuwazan ni Micas: si Shamir,
25Is ebpuun te menge kevuwazan ni Ishia he suled ni Micas: si Zacarias.
26Is ebpuun te menge kevuwazan ni Merari: si Mali wey si Mushi. Is ebpuun te menge kevuwazan ni Jaazia: si Beno.
27Is ebpuun te menge kevuwazan ni Merari pinaaǥi ki Jaazia: si Beno, Sholam, Zacur, wey si Ibri.
28Is ebpuun te menge kevuwazan ni Mali: Si Eleazar, he wazè din menge anak he menge maama.
29Is ebpuun te menge kevuwazan ni Kish: si Jerameel.
30Is ebpuun te menge kevuwazan ni Mushi: si Mali, Eder, wey si Jerimot. Iyan heini menge Levihanen sumalà te kandan he menge pemilya.
31Iring te mibeelan te menge kevuwazan ni Aaron, midripahan dan is kegketueni zan te menge ketengdanan dan, midripa is menge vetan-en wey menge meǥurang. Diyè dan heini veeli te etuvangan ni Hadì David, ni Zadok, ni Ahimelec, wey te menge pengulu te menge pemilya te menge memumuhat wey te menge Levihanen.