Text copied!
CopyCompare
Kâte Bible - Binaŋ Qâhâc I

Binaŋ Qâhâc I 24

Help us?
Click on verse(s) to share them!
1Aroŋte ɋâricfâc bâfâuc‐jopapie gurune gurune ʒiŋuc fuambiŋ: Aroŋte ŋokâfâc Nadaba, Abihu, Eleaʒa â Itama.
2Eme Nadaba â Abihu jahe mamac‐jekic juhame naru motec tâmiric juhuc hâmopic. Irec Eleaʒa â Itama jahe taha bapa erâ jupic.
3Eme Eleaʒare ɋâricfâc jaŋeraonec Zadoko â Itamare ɋâricfâc jaŋeraonec Abimelec jahe Dawidi bafickehapire gie‐jeŋic mujarekicne irec sâcko biric‐jopa rawec.
4Eme Itamare ŋokâfâc siric‐jopahuc Eleaʒare ŋokâfâc jaŋerao ŋic micne ŋeŋemâcne jumbiŋte Eleaʒare birio garikiŋ sâc irec micne 16 râec‐jopambiŋ â Itamare ŋokâfâc jaŋeraonec ine 8 râec‐jopambiŋ.
5Ehuc Eleaʒare ɋâricfâc jaŋere ŋondeŋko mecne â Itamare ɋâricfâc jaŋere ŋondeŋko mecne furuficte â Anuture taha bapa jumbiŋte ɋâsâi qahuc râec‐jopambiŋ hâcne.
6Ehame Lewire ɋâric moc, Netanele ŋokâ‐ticne qâqâreŋ ŋic Semaja e ŋicwofuŋte maio â fekicne jaŋere maio, erâ taha bapa Zadoko â Abiata ŋokâ‐ticne Abimelec, erâ taha bapa â Lewiŋic garikiŋ‐jeŋic sâc micnefâc‐jeŋic jaŋere maio ʒâŋe‐jeŋic qâreŋkewec. Eme garikiŋ mocte micne i Eleaʒare biŋe, â garikiŋ mocte micne i Itamare biŋe, iŋuc bâwosâec‐jopa rambiŋ.
7Eme bâbâni jâmbâŋ ɋâsâi qapie Jojaribi âke fuawec; eme mocwâc qapie Jedaja âke fuawec.
8Eme ʒuhuckerâ mocwâc qapie Harim âke fuawec; izi mocwâc qapie Seorim âke fuawec.
9Eme mocwâc qapie Malikia âke fuawec; eme mocwâc qapie Mijamiŋ âke fuawec.
10Eme ʒuhuckerâ mocwâc qapie Hakozi âke fuawec; izi mocwâc qapie Abia âke fuawec.
11Eme izi mocwâc qapie Jesua âke fuawec; eme mocwâc qapie Sekania âke fuawec.
12Ehame mocwâc qapie Eliasibi âke fuawec; izi mocwâc qapie Jakim âke fuawec.
13Eme ʒuhuckerâ mocwâc qapie Hufa âke fuawec; izi mocwâc qapie Jesebea âke fuawec.
14Eme ʒuhuckerâ mocwâc qapie Biliga âke fuawec; eme mocwâc qapie Imere âke fuawec.
15Ehame mocwâc qapie Heʒiri âke fuawec; izi mocwâc qapie Hapizeze âke fuawec.
16Eme mocwâc qapie Petahia âke fuawec; izi mocwâc qapie Jeheʒikele âke fuawec.
17Ehame mocwâc qapie Jakiŋ âke fuawec; eme mocwâc qapie Gamulu âke fuawec.
18Eme harierâ mocwâc qapie Delaja âke fuawec eme tatarane mocwâc qapie Mazia âke fuawec.

19Israere Wofuŋ Anutuzi apa ŋosa‐jeŋic Aroŋ mutâcnecnewec irec sâcko eki Wofuŋte ufuŋko gie bazo fisiniŋte biri râe‐jarewec ŋic i jaŋere ʒâŋe biri ine hâcne.
20Lewire ŋokâfâc gâcne sâko ine ʒiŋuc: Amaramte ŋokâfâc jaŋeraonec Subaele. Eme Subaele ŋokâfâc‐ticne jaŋeraonec ine Jedaja.
21Eme Rehabiare ine ʒiŋuc: Rehabia ŋokâfâcne jaŋeraonec ine micne Isia.
22Eme Izarare ɋâricfâc jaŋeraonec ine Selomoti. Eme Selomotire ŋokâfâc jaŋeraonec ine Jahati.
23Eme Heboroŋte ŋokâfâc ine ʒiŋuc: Micne Jeria; eme ere râpeo Amaria; eme ere râpeo Jahaʒiele; eme ere râpeo ine Jekameam.
24Eme Uʒielere ŋokâ ine Mika; â Mikare ŋokâfâc jaŋeraonec ine Samiri.
25Eme Mika ɋaticnere ʒâŋe Isia. Eme Isiare ŋokâfâc jaŋeraonec Ʒekaria.
26Eme Merarire ŋokâ jajahec jahere ʒâŋe Mali â Musi. Eme Jaʒijare ŋokâ ine Beno.
27Eme Merarire ɋâric Jaʒijarao fuambiŋ ine Beno, Soham, Ʒakuru â Ibiri.
28Eme Maliraonec ine Eleaʒa, e ŋokâfâcne moc mi fuambiŋ.
29Eme Kisiraonec ine Kisi ŋokâ‐ticne Jeramele.
30Eme Musire ŋokâfâc ine ʒiŋuc: Mali, Edere â Jerimoti. Lewiŋic jaŋere ŋokâfâc garikiŋ‐jeŋic sâc iŋuc hâcne jumbiŋ.
31Erâ qomâfâc‐jeŋic Aroŋte ŋokâfâc hâcne jaŋere ɋâsâi qambiŋ iŋuc jaha garikiŋ sâc irec micne ʒi â ɋafâc‐jenic jaŋere ɋâsâi i ŋicwofuŋ Dawidi â Zadoko â Abimelec, erâ taha bapa â Lewiŋic garikiŋfâc‐jeŋicte micnefâc jaŋere maio qambiŋ.