Yudaya Mangɛe I 24

1

2

3

4

5

6

7

8

9

10

11

12

13

14

15

16

17

18

19

20

21

22

23

24

25

26

27

28

29

¹Haruna nu bara di naani sɔtɔ: Nadabo, Abihu, Eleyasari, nun Itamari.

²Nadabo nun Abihu singe naxa faxa e baba bɛ. E mu di yo bari. Eleyasari nun Itamari nan nu na sɛrɛxɛdubɛe ra.

³Sadɔki, Eleyasari xa di, nun Aximeleki, Itamari xa die, naxa Dawuda mali Haruna xa die itaxunfe ra e wali ki ma.

⁴Mangɛe nu wuya Eleyasari xa die nan ya ma, dangi Itamari xa die ra. Na nan a to e naxa Eleyasari xa die findi denbaya fu nun senni ra. Itamari xa die naxa findi denbaya solomasaxan na.

⁵E naxa e sugandi Ala xa mali ra, barima Eleyasari xa die nun Itamari xa die birin findixi Ala xa walikɛe nan na.

⁶Netaneeli xa di Semaya Lewika nan nu e xilie sɛbɛma mangɛ, kuntigie, sɛrɛxɛdubɛ Sadɔki, Abiyatari xa di Aximeleki, nun sɛrɛxɛdubɛe xa denbaya xunyie, nun Lewikae ya xɔri. E naxa denbaya keren sugandi Eleyasari xa die ya ma, e man naxa keren sugandi Itamari xa die ya ma.

⁷Ala naxa a ragiri denbayae xa sugandi yi ki: a singe Yehoyaribu, a firin nde Yɛdaya,

⁸a saxan nde Xarima, a naani nde Seyorimi,

⁹a suuli nde Malakiya, a senni nde Miyamin,

¹⁰a solofere nde Hakɔsi, a solomasaxan nde Abiya,

¹¹a solomanaani nde Yosuwe, a fu nde Sɛkanaya,

¹²a fu nun keren nde Eliyasibu, a fu nun firin nde Yakimi,

¹³a fu nun saxan nde Xupa, a fu nun naani nde Yesebeyabi,

¹⁴a fu nun suuli nde Biliga, a fu nun senni nde Imeri,

¹⁵a fu nun solofere nde Xesiri, a fu nun solomasaxan nde Hapisɛsi,

¹⁶a fu nun solomanaani nde Petaxiya, a mɔxɔɲɛn nde Yesekiyeli,

¹⁷a mɔxɔɲɛn nun keren nde Yakin, a mɔxɔɲɛn nun firin nde Gamulu,

¹⁸a mɔxɔɲɛn nun saxan nde Dɛlaya, a mɔxɔɲɛn nun naani nde Maasiya.

¹⁹A nu lan e xa Alatala xa hɔrɔmɔbanxi xa wali suxu na ki nɛ, alɔ e benba Haruna a fala e bɛ ki naxɛ. Isirayila Marigi Alatala nu bara na yaamari so Haruna yi ra.

²⁰Lewi bɔnsɔɛ gbɛtɛe nan ya. Amarama xa die: Subayeli. Subayeli xa die: Yexedeya.

²¹Rexabiya xa die: Yisiya, di singe.

²²Yisehari xa die: Selomoti. Selomoti xa die: Yaxati.

²³Xebiron xa die: Yeriya, di singe, Amaraya, di firin nde, Yaxasiyeli, di saxan nde, Yekameyami, a xa di naani nde.

²⁴Yusiyɛli xa die: Mike. Mike xa die: Samiri.

²⁵Mike xunya: Yisiya. Yisiya xa die: Sakari.

²⁶Merari xa die: Maxali nun Musi a nun a xa mamadi Yaasiyahu.

²⁷Merari xa mamadie: Yaasiyahu, Sohami, Sakuru, nun Ibiri.

²⁸Maxali xa die: Eleyasari. Eleyasari mu di yo sɔtɔ.

²⁹Kisi xa die: Yerameeli.

³⁰Musi xa die: Maxali, Ederi, nun Yerimoti. Lewi xa die nan ya a denbaya ki ma.

³¹E fan sugandixi Ala xa mali nan na alɔ e ngaxakerenyie Haruna xa die. Na raba mangɛ Dawuda, Sadɔki, Aximeleki, sɛrɛxɛdubɛe xa denbaya xunyie, nun Lewikae ya xɔri. Na kui Eleyasari nun Itamari xa denbayae birin lan.