Hanidabaa Odiya Koiro Maxaafaa 7

1

2

3

4

5

6

7

8

9

10

11

12

13

14

15

16

17

18

19

20

21

22

23

24

25

26

27

28

29

¹Yisaakoorayyo oiddu naati de7oosona; etikka Tolaa7a, Puuwa, Yaashuubanne SHimiroona.

²Tolaa7a naati Uzza, Rafaaya, Yirii7eela, Yaahimaaya, Yibisaamanne SHalumi7eela; eti Tolaa7a yaratu halaqata. Eti wolqqaamanne xala asata. Daawita wode eta qoodai laatamanne naa77u sha7anne usuppun xeeta.

³Uzza na7ai Yiziraahiyaa. Yiziraahiyaa naati Mikaa7eela, Obaadiyaa, Yuu7eelanne Yishiyaa; ha ichchashatikka so asaa halaqata.

⁴Bantta aawatu so asaa yeletaadan Uzza yaratuppe olau giigida olanchchati hasttamanne usuppun sha7a; aissi giikko, etayyo cora maccaasainne cora naati de7oosona.

⁵Yisaakoora zaretuppe olanchchati bantta yeletaa mazggafan qoodettidi, muleera hosppun tammanne laappun sha7a gididosona.

⁶Biniyaamayyo heezzu naati de7oosona; etikka Belaa7a, Bekeeranne Yidi7eela.

⁷Belaa7a naati Exiboona, Uzza, Uzzi7eela, Yaarimootanne Ira; ha ichchashatikka so asaa halaqata. Eti wolqqaamanne xala asata. Bantta yeletaadan qoodettida olanchchati laatamanne naa77u sha7anne hasttamanne oiddaa gididosona.

⁸Bekeera naati Zamiira, Yo7aasha, El77eezara, Eliyoo7enaaya, Omira, Yaarimoota, Abiiya, Anatootanne Alemeeta; hageeti ubbati Bekeera naata.

⁹Bantta yeletaa mazggafaadan qoodettida wolqqaamanne xala asati laatamu sha7anne naa77u xeeta gididosona.

¹⁰Yidi7eela na7ai Bilihaana. Bilihaana naati Yi7uusha, Biniyaama, Ehuuda, Kanaa7ina, Zetaana, Tarsseesanne Ahishahaara;

¹¹hageeti ubbati Yidi7eela naata. Eti so asaa halaqatanne wolqqaamanne xala asata. Bantta yeletaadan qoodettida olanchchati tammanne laappun sha7anne naa77u xeeta.

¹²Qassi SHufiiminne Hufiimi Ira naata. Hushiimi Daana na7aa.

¹³Nifttaaleema naati Yaahixi7eela, Guuna, Yexeeranne SHaaluuma; hageeti Baali naatu naata.

¹⁴Minaase zareti hagaappe kaallidi xaafettidaageeta. Minaasee Sooriyaa biittaappe ekkido kaadumatiyaa yelido attuma naati Asiri7eelanne Gala7aade aawaa Maakiira.

¹⁵Maakiiri Hufiimassinne SHufiimassi issi issi maccaasa oichchidi immiis. Maakiira michchee sunttai Maa7iko. Maakiira na7ai kaaloi Xalofihaada. Xalofihaadi macca naatu xalaalaa yeliis.

¹⁶Maakiira maccaasiyaa Maa7ika ayyo naata yelaasu. Baira na7aa Peresha sunttaasu; Peresha ishaa sunttai SHereesha. Peresha naati Ulaamanne Raqeema.

¹⁷Ulaama na7ai Badaana. Hageeti Minaase na7aa na7aa, Maakiira na7aa Gala7aade zareta.

¹⁸Gala7aade michchiyaa Hamolekeeta Ishooda, Abi7eezeranne Maahila yelaasu.

¹⁹SHamidaa7a naati Ahiyaana, SHekeema, Liiqihanne Ani7aama.

²⁰Efireema na7ai SHutelaaha; SHutelaaha na7ai Bereeda; Bereeda na7ai Tahaata; Tahaata na7ai El77aada; El77aada na7ai Tahaata;

²¹Tahaata na7ai Zabaada; Zabaada na7ai SHutelaaha. Efireemayyo Edeeranne El77aada geetettiya hara naa77u naati de7oosona. Eti Gaate katamaa asatu mehiyaa wuuqqishin, asai eta oiqqidi woriis.

²²Hegaa gishshau, eta aawai Efireemi daro wodiyaa azzaniis; azzanin a ishantti a minttettanau yiidosona.

²³Hegaappe guyyiyan, i ba keettaayeera gaittiis; gaittin a shahaarada attuma na7aa yelaasu. Efireema soo gakkida iita metuwaa gishshau, i ba na7aa Barii7a sunttiis.

²⁴Efireemayyo SHe7iiro giyo na7iyaa de7ausu; Hirkki Beeti-Horoona, Qommo Beeti-Horoonanne Uzenishe7iira geetettiya katamata he na7iyaa keexxaasu.

²⁵Efireema attuma na7ai Refaaha; Refaaha na7ai Resheefa; Resheefa na7ai Telaaha; Telaaha na7ai Tahaana;

²⁶Tahaana na7ai La7idaana; La7idaana na7ai Amihuuda; Amihuuda na7ai Elishamaa7a;

²⁷Elishamaa7a na7ai Nawa; Nawe na7ai Yaasa.

²⁸Efireema zaretu biittainne eti de7iyoosai Beeteelenne Beeteele moottata, arshsho baggaara de7iya Na7iraana, arggo baggaara de7iya Gezeeranne Gezeera moottata, SHekeemanne SHekeema moottatanne Aayanne Aaya moottata.

²⁹Qassi Minaase zaretu biittaa zawan de7iya Beetishaananne Beetishaana moottata, Taa7inaakanne Taa7inaaka moottata, Magiddonne Magiddo moottatanne Dooranne Doora moottata. Israa7eela na7aa Yooseefa zareti ha katamatun de7idosona.

³⁰Aseera attuma naati Yimina, Yishiwaaha, Yishiwanne Barii7a; eta michchiyaa Seraaho.

³¹Barii7a attuma naati Hebeeranne Birzzaawita aawaa Malkki7eela.

³²Hebeeri Yaafileexa, SHomeeranne Hotaama yeliis; eta michchee sunttai SHuu7o.

³³Yaafileexa attuma naati Paasaaka, Bimihaalanne Ashiwaata; hageeti Yaafileexa naata.

³⁴Yaafileexa ishaa SHomeera attuma naati Aaha, Rohiga, Yahuubanne Araama.

³⁵A ishaa Hotaama attuma naati Xofaaha, Yiminaa7a, SHeleeshanne Amaala.

³⁶Xofaaha attuma naati Suha, Harnneefera, SHu7aala, Beera, Yimira,

³⁷Beexera, Hooda, SHamma, SHilshsha, Yitiraananne Ba7eera.

³⁸Yetera attuma naati Yifuna, Pisppanne Aara.

³⁹Ulla attuma naati Araaha, Hani7eelanne Riixiyaa.

⁴⁰Hageeti ubbati Aseera zareta. Eti bantta aawatu so asaa halaqatanne doorettida wolqqaamanne xala asata. Bantta yeletaadan qoodettida olanchchati laatamanne usuppun sha7aa gididosona.