Sie Chronicle 24

1

2

3

4

5

6

7

8

9

10

11

12

13

14

15

16

17

18

19

20

21

22

23

24

25

26

27

28

29

¹Pa inge u ma tuku ke fita lal Aaron. Oasr wen akosr natul Aaron: elos pa Nadab, Abihu, Eleazar ac Ithamar.

²Nadab ac Abihu eltal misa meet liki papa tumaltal, ac wangin tulik natultal, na pa Eleazar ac Ithamar eltal mwet tol.

³Tokosra David el oakiya wen natul Aaron nu ke kais sie u, fal nu ke orekma kunalos. Mwet luo ma kasrel ke oakwuk se inge pa Zadok in fwil natul Eleazar, ac Ahimelech in fwil natul Ithamar.

⁴Mwet in fwil natul Eleazar elos oakwuki nu ke u singoul onkosr, ac mwet in fwil natul Ithamar elos oakwuki nu ke u oalkosr. Orek ouinge ke sripen pus mukul su sifen sou in fwil natul Eleazar.

⁵In fwil natul Eleazar ac fwil natul Ithamar kewa, oasr mwet pwapa nu ke orekma lun Tempul oayapa mwet kol ke moul in ngun, na pa elos eis kunalos ke susfa.

⁶Mwet in fwil natul Eleazar ac natul Ithamar elos kais sie fahsr susfa. Na toko simla inelos yurin mwet sim lun mwet Levi, su el pa Shemaiah wen natul Nethanel. Mwet loh ke ma inge pa tokosra ac mwet pwapa lal, oayapa Zadok mwet tol, Ahimelech wen natul Abiathar, ac sifen sou lun mwet tol, ac sifen sou lun mwet Levi.

⁷Fa se meet an oayang nu sel Jehoiarib, akluo nu sel Jedaiah,

⁸aktolu nu sel Harim, akakosr nu sel Seorim,

⁹aklimekosr nu sel Malchijah, akonkosr nu sel Mijamin,

¹⁰akitkosr nu sel Hakkoz, akoalkosr nu sel Abijah,

¹¹akeu nu sel Jeshua, aksingoul nu sel Shecaniah,

¹²aksingoul sie nu sel Eliashib, aksingoul luo nu sel Jakim,

¹³aksingoul tolu nu sel Huppah, aksingoul akosr nu sel Jeshebeab,

¹⁴aksingoul limekosr nu sel Bilgah, aksingoul onkosr nu sel Immer,

¹⁵aksingoul itkosr nu sel Hezir, aksingoul oalkosr nu sel Happizzez,

¹⁶aksingoul eu nu sel Pethahiah, aklongoul nu sel Jehezkel,

¹⁷aklongoul sie nu sel Jachin, aklongoul luo nu sel Gamul,

¹⁸aklongoul tolu nu sel Delaiah, ac aklongoul akosr nu sel Maaziah.

¹⁹Simla inen mwet inge fal nu ke kunokon ma itukyang nu selos in kulansap lalos in tempul. Ma inge oakiyuki nu selos sel Aaron, papa matu tumalos, ke el akos ma LEUM GOD lun Israel El sapkin.

²⁰Pa inge kutu pac sifen sou ke fita lal Levi: Jehdeiah, fita natul Amram kacl Shebuel;

²¹Isshiah, fita natul Rehabiah;

²²Jahath, fita natul Izhar kacl Shelomith;

²³Jeriah, Amariah, Jehaziel, ac Jekameam, wen natul Hebron, takla fal nu ke matwalos;

²⁴Shamir, fita natul Uzziel kacl Micah;

²⁵Zechariah, fita natul Uzziel kacl Isshiah, tamulel lal Micah;

²⁶Mahli, Mushi, ac Jaaziah, fita natul Merari.

²⁷Oasr wen tolu natul Jaaziah: elos pa Shoham, Zaccur, ac Ibri.

²⁸Oasr wen luo natul Mahli: sie pa Eleazar, tuh wangin wen natul,

²⁹ac sie pa Kish, su wen natul pa Jerahmeel.

³⁰Oasr wen tolu natul Mushi: elos pa Mahli, Eder, ac Jeremoth. Pa ingan mwet in sou lun mwet Levi.

³¹Kais sie sifen sou, wi sie sin tamulel fusr lal, elos ac susfa nu ke kunokon lalos, in oana ke sou lalos kacl Aaron elos tuh oru. Ac Tokosra David, Zadok, Ahimelech, ac kais sie sifen sou lun mwet tol ke sruf Levi elos tuh mwet loh kac.