1عَلَتَلَ نَشَ عَ مَسٍن ﭑ بّ، عَ نَشّ، «عِ شَ كّيدِ تٌنفٌ، عَ سّبّ كَلٍ رَ، ‹مَهٍرِ سَلَلِ هَسِ بَسِ،› نَشَن قَسَرِشِ ‹كَسَرّ تِ، سٍ بِرِن شَنِنمَ مَقُرٍن مَقُرٍن.›
2عِ شَ سّرّشّدُبّ عُرِ نُن يٍبٍرٍكِيَ شَ دِ سَكَرِ شِلِ سٍيدٍيٍ رَ ﭑ بّ.»
3نَ تّمُي، ﭑ نَشَ ﭑ مَسٌ ﭑ مَ فِنّ رَ، عَ نَشَ تّفّ عَ دِ بَرِ. عَلَتَلَ نَشَ عَ مَسٍن ﭑ بّ، «عَ شِلِ سَ، ‹مَهٍرِ سَلَلِ هَسِ بَسِ.›
4بٍينُن نَ دِ شَ مْ، عَ قَ نْ عَ قَلَدٍ، ‹ﭑ نفَ، ﭑ بَ،› عَسِرِيَ مَنفّ قَمَ نّ نَاقُلِ شَنِندٍ عَ نَشَن تٌمَ دَ مَسِ تَا كُي نُن سَمَرِ بْشِ مَ.»
5عَلَتَلَ مَن نَشَ عَ مَسٍن ﭑ بّ، عَ نَشّ،
6«يِ حَمَ تٌ بَرَ سِلٌوَ شُرٍ شَ بَرَكَ بّحِن، عَلَ نَشَن قِشِ عٍ مَ، عٍ قَ بِرَ رٍ سِن نُن رٍ مَلِيَهُ شَ دِ شَ قٍ قْشْ رَ،
7ﭑ تَن عَلَتَلَ قَمَ نّ بَنبَرَنيِ شُنفبٍ رَ عٍ شِلِ مَ، نَشَن قِندِ عَسِرِيَ مَنفّ يّتّ عِفبٌي رَ. عَ سّنبّ لُمَ نّ عَلْ بَنبَرَنيِ نَشَن كٍلِمَ شُرٍ، عَ قَ دَنفِ بْشِ بِرِن مَ،
8عَ دِن يُدَيَ رَ، عَ تٍ هَن عَ فبٍ مُ نُ لُشِ مّننِكَيٍ قَن شَ مَدُلَ. عٍمَنُوّلِ، نَ قَمَ نّ وٌ شَ بْشِ بِرِن شُن نَكَنَدٍ.»
9«وٌ تَن حَمَنّ نَشٍيٍ نَ دُنِحَ، وٌ فٍرٍ شُي رَتٍ، كْنْ وٌ شُن نَكَنَمَ نّ. وٌ وٌ يّتّ يَءِلَن فٍرٍ شِلِ مَ، كْنْ وٌ قَشَمَ نّ. وٌ شَ تِ فٍرٍ كِ مَ، كْنْ وٌ بِرَ مَ نّ.
10وٌ نَتّيٍ تٌنفٌ، كْنْ عَ مُ سْونّيَمَ. وٌ لَنيِ شِرِ وٌ بٌورٍ تَفِ، كْنْ وٌ مُ تِمَ نّ، بَرِ مَ عَلَ نَ مُشُ يَ مَ.»
11عَلَتَلَ نَشَ ﭑ نَسِ سّنبّ رَ، عَ قَلَقٍ رَ ﭑ بّ، عَ ﭑ نَشَ بِرَ يِ حَمَ حّرّ كِ كٌبِ قْشْ رَ. عَ نَشّ،
12«عِ نَشَ يَنقَنتٍيَ شِلِ قَلَ قٍ مَ، يِ حَمَ عَ قَلَمَ قٍ نَشَن مَ يَنقَنتٍيَ. عِ نَشَ فَاشُ قٍ يَ رَ، يِ حَمَ فَاشُمَ قٍ نَشَن يَ رَ.
13عِ شَ مَنفّ عَلَتَلَ نَن كٌلٌن سّنِيّنتْي رَ، عِ شَ شَنمّ عَ تَن نَن شَ قٍ رَ، عِ شَ فَاشُ عَ تَن نَن يَ رَ.
14نَ كُي عَ قِندِ مَ نّ وٌ بّ يِرٍ سّنِيّنشِ رَ. كْنْ عِسِرَيِلَ بْنسْي قِرِنيِيٍ بّ، عَ قِندِ مَ نّ فّمّ رَ عٍ دِنمَ نَشَن نَ، عٍ قَ بِرَ، عَ قِندِ مَ نّ فَنتَنيِ رَ دَرِ سَلَمُكَيٍ بّ.
15مِشِ فبٍفبٍ عٍ سَنيِ رَدِنمَ نّ عَ رَ، عٍ بِرَ، عٍ عٍ مَشْنْ، عٍ شَنِن كٌنيِيَ كُي.»
16يِ سٍيدٍحْشْيَ نَشَن سّبّشِ، وٌ شَ تْنشُمَ سَ عَ مَ، وٌ شَ عَ رَفَتَ ﭑ مَ قْشِرَبِرّيٍ يِرٍ.
17ﭑ تَن شَشِلِ تِشِ عَلَتَلَ رَ، نَشَن عَ كٌبٍ سٌشِ يَشُبَ بْنسْي رَ سِندٍن. ﭑ بَرَ ﭑ مَ لَنلَنتٍيَ سَ عَ مَ.
18ﭑ تَن نُن ﭑ مَ دِيٍ، عَلَتَلَ نَشٍيٍ قِشِ ﭑ مَ، مُشُ قِندِشِ تْنشُمَيٍ نَن نَ عِسِرَيِلَ بْشِ مَ مَنفّ عَلَتَلَ بّ، نَشَن سَبَتِشِ سِيٌنِ فٍيَ قَرِ.
19مِشِ ندٍيٍ عَ قَلَمَ وٌ بّ، وٌ شَ سِفَ كَرَ مْشْييٍ يِرٍ، نَشٍيٍ مِشِ قَشَشِيٍ رَوْيّنمَ مَكْيِكْيِ رَ، وٌ شَ فُندٌ كٌلٌن. كْنْ عَ مُ لَنمَ مِشِيٍ شَ عٍ شَ مَشْرِنيِيٍ تِ عٍ مَرِفِ عَلَ تَن مَ؟ عَ لَنمَ مِشِ بَلٌشِ شَ مَشْرِنيِ تِ مِشِ قَشَشِ مَ؟
20وٌن شَ وٌن تُلِ مَتِ عَلَ شَ سّرِيّ رَ عَ سٍيدٍحْشْيَ قِشِ نَشَن مَ. شَ نَ مُ عَ رَ، حَمَ لُمَ دِ مِ نَن تُن كُي،
21عٍ بْشِ عِفِرِ مَ كَامّ نُن كْنتْقِلِ نَن نَ. كَامّ نَ شْرْشْ عٍ مَ تّمُي نَشّ، عٍ عٍ يَ رَتٍمَ نّ كٌورٍ مَ، عٍ عٍ شَ مَنفّ نُن عٍ مَرِفِ عَلَ دَنكَ.
22عٍ نَ فّ نَ رَبَدٍ، عٍ قَ عٍ يَ رَفٌرٌ دُنِحَ مَ، عٍ مُ سٍسٍ تٌمَ قٌ تْورّ، دِ مِ، نُن بْحّسَتَرٍيَ.
23كْنْ نَ دِ مِ مُ لُمَ بْشِ مَ عَبَدَن، تْورّ مُ نْمَ نَ حَمَ رَ. سَبُلٌن نُن نَقَتَلِ بْشِ هَلَكِ نّ تّمُي دَنفِشِ، كْنْ نَ بْشِ نَشَن شِلِ قَلَمَ «حَمَنّ شَ فَلِلٍ،» نَ قَمَ نّ نْرْدٍ كٍلِقٍ بَا دّ رَ، هَن يُرُدّن نَاكِرِ مَ.
