Isaías 55

1

2

3

4

5

6

7

8

9

10

11

12

13

14

15

16

17

18

19

20

21

22

23

24

25

26

27

28

29

30

31

32

33

34

35

36

37

38

39

40

41

42

43

44

45

46

47

48

49

50

51

52

53

54

55

56

57

58

59

60

61

62

63

64

65

66

¹Bab-Jehová sogbalid: “¡Dule-uku-uku-itodimaladi, dii gobdamar! Dule-mani-surmaladi, ibmar-sudamar, vino be sudamar, moli-nunis be sudamar. Gwen be bennukosulid, binsa bega uklegoed.

²¿Ar ibiga be binsarsunna mas-nuedsulidgi be mani-oesunna? ¿Ar ibiga binsarsunna be ibmar-yeer-ito-be-imaksulidgi mani-misunna? Be nue an-itomar, bur be mas-nued gunmar, ar be mas-nuegan-gullegedgi na be yeer itomaloed.

³Nue be bogi itomar, be anse dagmar. Be nue an-itomar, adi, be dula gudii gumaloed. An bemar-ebo degisadegu igar mesoed, adi, an-mai-David-sabedba an-ega-ibmar-sogsa-gusadba guegar.

⁴Dulemargala, we-David, an-barsogega an nug-imaksad, degi, dule-yar-bamaladga-e-odurdaked-sailaga-guega an nug-imaksad, degine, dummadga an nug-imaksad.

⁵Israel-dulemar, dulemar-dakdisurmaladbina be goloed, degi, dule-aku-be-dakdimarmogadi, bese abarmakdanimaloed. Ar ani an be-Bab-Dummad-Jehová Israel-dulemar-e-Bab-Dummad-Isligwaled, be-nug odummosad.”

⁶Bab-Jehová be amimar, ar emisgwa, Bab-Dummad amilegedgined, Bab-Dummadse be gormar, ar ade, be-walikaa gudiid.

⁷Dule-ibmar-isgana-imaked, e-igar-isgana-imakedgi bangusun, dule-isgana, e-binsaed-isganagi bangusun. Bab-Jehová amisun, ar ade, Bab-Jehová dule-nuedid, isgued-eliedid. Ar anmar-Bab-Dummad wile be-dakoed.

⁸Bab-Jehová soged: “An-binsaedi, bemar-binsaedyobsulid, an-daedi, bemar-daedyobsulid.

⁹Igi mogir, napneggi dikasur nai, deyobi, an-daedi, bemar-daedba bur-dikasur-akalad. Deginbali, deyobi an-binsaedi, bemar-binsaedba bur-dikasur-akarbalid.

¹⁰Ar dii-wiedi, degi, dambed-sibudikid-batedi, ibmar-imaksasuli geg gannar ainakwedaed. Bina we-ibmar imakgwelergebed: Napa-owardikuergebed, napagi-ibmar-oniergebed, ibmar-gwag-osanmakergebed, adi, dule-ibmar-digedga, ibmar-gwag-ukega, degine, dulega masgunned ukegarbar,

¹¹deyobi, gayaburba an-gayagi nodele: Anse ollobi nonikosulid, an-ibmar-abegedba ibmar saoed, an-ibmar-sogedba ibmar imakoed.

¹²Bemar weligwaledba ainidmaloed, bogidikidgi gannar be-yalase be momaloed. Be-nadapidbali yalamar, degi, yar-mullugan, binnasuli-weligwaledba namakdemaloed. Degi, bela sapimar-bukwadi, argan ogotemaloed.

¹³Gagan-ikobimalad-muchubbi, ciprés-sapimar ainidagoed. Dakemar-muchubbi, mirto-sapimar dungudagoed. We-ibmarmala, ani an-Bab-Jehová-nug ogannogoed, we-ibmarmala, degisadegu e-wilubga naiguoed.”