Isaías 34

1

2

3

4

5

6

7

8

9

10

11

12

13

14

15

16

17

18

19

20

21

22

23

24

25

26

27

28

29

30

31

32

33

34

35

36

37

38

39

40

41

42

43

44

45

46

47

48

49

50

51

52

53

54

55

56

57

58

59

60

61

62

63

64

65

66

¹Dulemar-yar-baid-baidgi-bukmalad, gayaburba-itogega wese be walikgudamar. Dulamar, nue-bogimakar be itomar. Napneg-naid, nue itogo. Bela-egi-ibmar-bukwamalad, nue-itomarmogo. Napneg-bipirmaknaidgi-bukmalad, bela itomogo. Bela-napneggi-ibmar-sanmakedi, nue-itomarmogo.

²Bab-Jehová, dulemar-yar-baid-baidgi-bukmaladse bela urwemaid. Amar-sorda-bila-onomaladse bela urwemaid. Bab-Dummad, bela bemar-obeloged sogmaid, bela bemar-ogiloged sogmaid.

³Dule-girgumaloedi, bela omiledoed, e-muimar nunusaila yapatoed, e-ablismar yalaganba suurmakdoed.

⁴Niismar-mogir-imbaba-nanaid bar daklegosulid, bela mogir atudoed. Igi garda obipirmakledae, mogir deyob guoed. Bela niismar-e-dakarmakmalad berguoed. Uva-sapi-gagan-dinguddaedyobi, dakle naoed. Higuera-sapigi e-san-dingusnai-daedyobi, dakle naoed.

⁵Bab-Jehová weyob sogye: “Bato mogir-imbaba, an-es-suid guagwar naid. Be dakmalana, Edom-dulemargi es-suid igi-gwichigudani be dake, ar an we-dulemar bela ogilogoye sogsad.”

⁶Bab-Jehová-e-es-suid bela ablisbi naid, sibad-omemar-ablisgi obagwar naid, sibad-wawaad-senigana-ablisgi obagwar naid. Bela e-es-suidgi e-gwallu darwagwar magaled. Sibad-wawaad-machered-mirwa-gwallugi darwagwar magaled. Ar Bab-Jehová, Edom-yargi Bosra-neggweburgi ibmar-durgan oburgwenaid. Edom-yalagi ibmar-durgan yeer ogilonaid.

⁷Moli-bebe-nikad-ursirmalad egi gwichigudmaloed. Moli-bebe-nikad-sapingana, degi, moli-bebe-nikad-machergan egi gwichigudmaloed. Edom-yalagi ablisbi bipirmaknai guoed, e-napagi, e-gwallumarbi neg-ganai guoed.

⁸Ar ade, Bab-Jehováʼga buged-imaked-iba gued, buged-saed-birga gued, adi, Sión-yala bendaklegegar.

⁹Edom-yar-e-dianmala baryaga binnidoed, e-ukub, azufreʼyob uediki naguoed, barya-uedikidyobi diopisuli napa naguoed.

¹⁰Bane-bane barya uediki-ganaidbi guoed, gwen akinnosulid, e-waa bupurmagwichidbi guoed. E-yala degisadegu ollobi-nai guoed, bipisaale, bar dulemar egi iirmakosurmalad.

¹¹Noomargii-daklemalad egi neg-egwannoed, akwanuku-negga gudoed. Egine, irmonmar e-uu sobdoed, degi, sikwisichimar e-uu urbidoed. Bab-Dummadi we-yala bela gagaoed, degi, walagwen-ollobi-selenai imakoed.

¹²Dule-nuga-nikamalad-sate guoed, yalaye bar bilegosulid. Bela dule-gandikmalad bar daklegosulid.

¹³E-reynegmargine ikomarbi bipirmakdoed, e-neg-gandikmaladgi dakemar-sunnabi bipirmakdoed, degi, gagan-iko-ikomaladbi engudoed. Achu-sapur-uaya-gannagana-e-negga gudoed, nuu-dummad-malisuigan-megega gudoed.

¹⁴Nega-dulesulidganba ibmar-durgan-ursilimalad-bukwadi, achu-sapurmarbo atodoed. Sibad-sapurmar, e-sordaganse gotemaloed. Irmon agi ambikumarmogoed, a-neggine signonimaloed.

¹⁵A-neggine, irmonmar e-uu soboed, degi, e-akwamar urbidoed. E-sakan-urbali, nuekwa e-akwamar urboed, nuekwa e-mimmigan akoed. Agine, mulamar ambikumogoed, abirgunar-abirgunar ambikumogoed.

¹⁶Bab-Jehová-gardase be idako, agi be nue-absogo: “Bipisaale we-ibmar-durgan gwen beosulid, abirgin-abirgin egad-egad nikamaloed. Ar Bab-Jehová-sunnagwad igar weyob uksad, Bab-Dummad-Burba weyob oambikusad.

¹⁷Ar Bab-Dummad ega negmar amisad, ega yala uksad. Degisadegu, wemar we-yalagi bukwa gumaloed, degisadegu, egi gudii gumaloed.”