Isaías 53

1

2

3

4

5

6

7

8

9

10

11

12

13

14

15

16

17

18

19

20

21

22

23

24

25

26

27

28

29

30

31

32

33

34

35

36

37

38

39

40

41

42

43

44

45

46

47

48

49

50

51

52

53

54

55

56

57

58

59

60

61

62

63

64

65

66

¹¿Doa anmar-ibmar-sogsad bengussuli? ¿Doase Bab-Jehová na e-gangued oyosa?

²Bab-Jehová, e-mai sapi-e-nii-dutugwad-dungueyobi odummosad. Sapi-e-mali napa-isganagi dogdedaeyobi, e-mai-odummosad. E-mai yeer daklesulid, gandik daklesurbalid. E-daklegedi, wilubba dakleged. Dulemar baisur-dakmalad.

³Dulemarse obanagwale gusad. Mesagwale gusad. Gwage-nunmaked-itodii gusad. Undar-odurdakledii gusad. Dulemar gwen-dakbisuli gusmalad. Dulemarse obanagwale gusad. Gwen anmar bai daksasurmalad.

⁴Degi-inigwele, anmarga anmar-bonigan sesad, anmar-anar, anmar-nunmaked itosad. Anmardi egi binsaed, Bab-Dummad we-dule-naibi-imaksaye, sabsur-imaksaye, degi, mesagwar-imaksaye.

⁵E na, anmar-uaya-sated-ular, naibigusad. E na, anmar-isgued-ular, bela-bela sabsur-bibyolesgusad. Anmarga gwage-bogidikid-ukegala, anmar-ular, bela-bela sabsur-odurdaklesad. Anmar e-naibigusadgi nugunonimalad.

⁶Anmar bela sibad-wawaad-yoggusgudidaedyobi, yoggus gudimalanad. Na wala-walagwen e-itolegedba gudidimalanad. Degi-inigwele, Bab-Jehová bela e-maigi anmar-isgued nasiksad.

⁷Sabsur-imaklenaigu, mesagwar-imaklenaigu, gwen e-gaya itolessulid. Igi-sibad-wawaad-senigwad e-oburgwilegedse selesdae, deyobi, gaya-itosuldgi selemai gusad. Igi-sibad-wawaad ega-e-absar-siked-abin, gordasuli, deyobi, dulemar-asabin Bab-Jehová-e-mai gaya nikussulid, degi, dulemar-asabin gwen gochasurbalid.

⁸Gasmargua, ega igar-amismargua, oburgwismalad. Gwen bai daksasurmalad, e-bina sogsasurmalad. E-wagan-danikoedgi gwen binsassurmalad. Dulemar-bukwad-abargi gandikidgi onolesad, an-dulamar-isgued-anar, oburgwilesad.

⁹Gwen e-sunmakedgi emar-yardaksasur-inigwele, gwen ibmar-isgana-imaksasur-inigwele, dule-ibmar-isgana-imakmalad-abargi burgwisad, degi-inigwele, mani-ibgan-abargi diglesad.

¹⁰Ar Bab-Jehová, mesagwar-guega imaksad, sabsur-wilegega imaksad. E na dulemar-isgued-anar san-uksasoggu, a-ulale, na suitiba gudii guoed, bela e-waganmar-dakoed, Bab-Jehová-sogedba bela ibmar imakoed.

¹¹Sabsur-wilegoed-sorbali, magar-daknonikoed, e-sabsur-wilesadi, binsa wilessuli, degidbali na yeer-itononikoed. Bab-Jehová soged: “An-mai-innikigwadi, e-ibmar-wisidbali, dulemarga igarmar nabogoed. E na dule-ibmar-isgana-imaked sedoed.

¹²A-ulale, dule-dummagan-abargi an osimogoed, e-ibmar-suoedi dule-gandikmaladbo mimioed. Ar ade, na burgwegala, e-san uksad. Dulemar-isgumaladyob imaklesmogad. Dule-bukidarad-e-isgumalad na sesad, dule-isgumalad-irwa gwisgusad.”