Isaías 39

1

2

3

4

5

6

7

8

9

10

11

12

13

14

15

16

17

18

19

20

21

22

23

24

25

26

27

28

29

30

31

32

33

34

35

36

37

38

39

40

41

42

43

44

45

46

47

48

49

50

51

52

53

54

55

56

57

58

59

60

61

62

63

64

65

66

¹A-ibagangine, Babilonia-e-rey-Merodac-Baladán, Rey-Ezequíasʼse dule-gayaburba-berbemalad barmisad. Amarba Ezequíasʼga garda barmisad, degi, ibmar-binsa-ega-ukleged ega barmisbalid. Merodac-Baladánʼde, Baladán-e-machid. Ar Merodac-Baladánʼde wisgusgusad, Ezequías bela-bela-nailikgumaidi, emidi, nue-nugunoniye.

²Ezequías weligwaledgi we-dulemar-abindaksad, degine, dule-gayaburba-berbemaladga, bela e-ibmar-nuegan-gargerbamalad-bukwad oyosad: Manimar, ormar, ina-wawadikmalad, olivo-gwallu-wawadikmalad, degi, bila-onogedgi-ibmar-ebulemalad-sabolebukwad bela oyosbalid. Degine, bela ibmar-nuegan-sabolebukwad-neggi ega ibmarmar oyosbalid. Ezequías, e-negsemaidgi bela e-neggi-ibmarmar-bukwad, oyosad.

³Geb degine, Bab-Dummad-gayaburba-barsoged-Isaías, Rey-Ezequías-daknaded. Geb ega sogdapid: —¿Bia we-dulemar daniki? ¿Ar igi bega we-dulemar soge? Geb Ezequías ega sogded: —We-dulemar dikasur danimalad. Babilonia-neggwebur-akale an-dakega danimalad.

⁴Geb gannar Isaías, Ezequíasʼga sogded: —¿Ibu be-negyagi daksamala? Ezequías abin-sogded: —Bela an-negyagi ibmar-bukwad daksamala. Bela ibmarmar-bukwad an ega oyosad.

⁵Geb degi, Isaías, Ezequíasʼga sogdesunnad: —Nue Bab-Jehová-Bela-Gangued-Nikad-e-gayaburba be itogo:

⁶‘Ibagan danikoed, bela be-neggi-ibmarmar-bukwadi, bela be-dadgan-emi-ibase-ibmar-urbisadi, Babilonia-yarse seledoed. Bipisaale ibmar gwen beosulid.

⁷Be-mimmigan-abala, be-wagan-abala, Babilonia-e-reyneggi maiga-guega seledmaloed.’ Deyobi Bab-Jehová soged.

⁸Geb Ezequías, Isaíasʼga sogded: —Nueddo. Bab-Jehová-gayaburba be anga sognonikidi, yeer an itodo. Ar Ezequías e-ulubgindi binsasad: “Amba an-maidgine, neg nueganbi, degi, bogidik-nai guoed.”